„Специјалните сили ‘Волци’ се симбол на непоколеблива решителност и врвна подготвеност. Тие се први кога е најпотребно, најсилни кога е најтешко и најодлучни кога татковината бара сигурност и заштита. Со беспрекорна обученост, тимски дух и силно чувство за должност, секојдневно ја потврдуваат својата елитна позиција во македонската Армија. Вашата служба не е само професија, таа е заклетва, чест и љубов кон Македонија. Благодарение на вашата пожртвуваност, нашите граѓани се чувствуваат безбедно.“ – објави на својот фејсбук-профил министерот за одбрана на Република Македонија Владо Мисајловски.
„Секогаш и секаде први – најелитната единица „Волци“
Во пресрет на 1 март – Денот на Баталјонот на специјалните сили на македонската Армија, со особена гордост и почит го одбележуваме овој ден, посветен на храброста, дисциплината и пожртвуваноста на припадниците на Баталјонот на специјалните сили „Волци“. Нека е честит Денот на Единицата! , дополни првиот човек на македонската одбрана Владо Мисајловски преку општествената мрежа.
