Македонија

Мицкоски: Функциите не се привилегија, туку одговорност и служба на граѓаните

Реконструкцијата не е неуспех, туку продолжување на процесот

2 минути за читање

Премиерот Христијан Мицкоски денеска од собраниската говорница порача дека функциите во Владата не се привилегија, туку одговорност и средство за служба на граѓаните.

Обраќајќи се на 112. седница на Собранието, на која се расправа за разрешување и избор на нови членови на Владата, Мицкоски истакна дека реконструкцијата е дел од принципот на отчетност и резултати.

„Од првиот ден кога ја преземавме одговорноста кажав дека оваа Влада нема да биде Влада на комфор, туку Влада на резултати. Нема да биде Влада во која функциите ќе се сметаат за стекнато право, туку за обврска што секој ден повторно мора да се заслужува“, рече Мицкоски.

Тој потенцираше дека министрите кои заминуваат заслужуваат благодарност за сработеното и дека реконструкцијата не треба да се сфати како неуспех, туку како продолжување на процесот за подобри резултати.

Премиерот посебно им се заблагодари на министрите Зоран Љутков, Цветан Трипуновски, Игор Филков, Азир Алиу и Фатмир Лимани, истакнувајќи ги постигнатите резултати во нивните ресори.

Мицкоски упати и критики кон опозицијата, оценувајќи дека Владата наследила нарушени институции, ослабени јавни финансии, закочени проекти и изгубена доверба кај граѓаните.

„Ние не сме овде за да го менуваме минатото. Ние сме овде да не дозволиме тоа да ни се повтори никогаш повеќе“, порача тој.

Во рамки на реконструкцијата, Собранието треба да ги разреши седуммина министри и еден министер без ресор, а на нивно место да ги избере нови кандидати. Според Деловникот, расправата може да трае најмногу два дена, а новите министри се избираат со мнозинство од вкупниот број пратеници.

Поврзани теми:

Христијан Мицкоски|актуелно|Собрание|Влада на Република Македонија|обраќање

Повеќе на оваа тема:

Најнови вести од: Македонија

Уште еден сомнителен случај на западнонилска треска

Уште едно лице, на возраст од 76 години, кај кое е потврдено воспаление на мозокот и мозочните обвивки од вирусно потекло, како и позитивна серологија од серум за вирусот западен нил е хоспитализирано во текот на изминатото денонокие на Клиниката за инфективни болести.

ВМРО ДПМНЕ: Жерновски 20 години ја цица државата, тој е талог на општеството

СДСМ се препозна и се прогласи за талог на општеството, а еден од основоположниците на тој талог е токму нивниот неуспешен амбасадор Андреј Жерновски, одговори ВМРО-ДПМНЕ на прес-конференцијата на Жерновски.

Обвинителот предложи притвор за „газдарицата“ на „Камените кукли“ Стојна Димитровска Бут (41) од Кратово, која беше уапсена на 2 август, откако се тепаше со туристи!

Јавен обвинител од Основното јавно обвинителство (ОЈО) Куманово до надлежниот суд поднесе предлог за определување мерка притвор за 41-годишна жителка на Кратово која вчера беше лишена од слобода и за која се водат постапки за спречување на службени лица во вршење службени дејствија и узурпација на локалитетот „Камени кукли“, наоѓалиште е заштитено како природна реткост, во кратовското село Куклица.

Митрополит Григориј: ЕУ ѝ дозволува да Бугарија злосторнички да се меша во уставот, за да ги бугаризира Македонците и да се прекројат границите на Македонија!

„Божествен пророче и небесен човеку Илија, дај му победа на македонскиот народ над непријателите и милост голема на душите наши! ЕУ ја штити Бугарија. ЕУ ѝ допушти на Бугарија на македонскиот народ да му испрати бранови на смрт, наместо бранови на живот. На Бугарија ѝ се дозволува да изврши етноцид – геноцид врз македонскиот народ.“ – нагласува, покрај другото Григориј, митрополитот Кумановско-осоговски на Макеодонската православна црква – Охридска архиепископија, во своето слово по повод државниот празник Илинден и црковно-народниот празник Свети Илија.

„Македонска нација“: Сократ Маркилов, симболот на неуништливоста на македонската свест наспроти сите обиди на Бугарија да ја уништи!

… живеев, страдав. Окови носев. Зад железни решетки заклучен бев во ќелија темна, таму тиранинот ме мачеше, поради тоа што се борев за ослободувањето на мојата поробена татковина Македонија. Македонци, мои мили браќа, не жалете ме! Главите горе, запејте ја ‘Бисер Балкански’ и продолжете ја борбата за остварување на вековните стремежи и идеали на нашиот измачен македонски народ. Мојата смрт нека биде вечно проклетство на македонските непријатели, поробувачи алчни, без ронка чест, без ронка срам.“ – ова е претсмртната порака до сиот македонски народ, која му ја оставил Сократ Данаилов Маркилов, еден од најистакнатите припадници на македонското национално движење и страдалник за македонската национална кауза во Бугарија. Оваа порака на Маркилов е објавена како дел од некрологот за 40-дневниот помен од неговата смрт во 1993 година, кој му го одржал тогаш ОМО „Илинден“ – Пирин, политичката организација на Македонците во Пиринскиот дел на Македонија, денес во Бугарија. Тој е починат на денешен ден, на 4 август во 1993 година. Триесет и третата година од неговата смрт е соодветен повод за должно сеќавање и чествување на животот и дејноста на овој истакнат деец за Македонија и македонскиот народ, кој одлежа 17 години во бугарските затвори, поради својата македонска определба и дејност.
Сите вести од Македонија

Најнови вести

To top