Македонија

Мицкоски најави нови законски решенија и државна поддршка за развој на туризмот во Берово

Берово преполно за Голема Богородица

Берово го живее најубавиот дел од летото. Денеска го чествува големиот христијански празник Успение на Пресвета Богородица, а илјадници посетители од целата држава го искористија продолжениот викенд да се поклонат пред светицата, но и да се разладат од овие тропски горештини. Речиси сите сместувачки капацитети се исполнети, а годинава бројот на туристи кои го посетија секогаш преубавото Берово е значително поголем од претходните години.

Традиционално, и оваа година премиерот Христијан Мицкоски го посети манастирот Успение на Пресвета Богородица, од каде упати порака за обединување на нацијата. За време на престојот во Берово, Мицкоски се осврна на туризмот, како еден од главните приоритети, посочувајќи дека Берово има огромен потенцијал, кој треба да се искористи.

„Во процес на изработка е закон со кој што ќе бидат третирани туристичките развојни зони, коишто ќе бидат или државна иницијатива или приватна иницијатива, имајќи ги предвид лимитираните средства со коишто располагаат општините. Оној дел, посебно кога станува збор за инфраструктурата и експропријацијата, би бил на товар на државата или на товар на приватниот инвеститор којшто евентуално би поднел барање за таков тип на туристичка развојна зона“, изјави премиерот Христијан Мицкоски.

При денешната посета на Берово, премиерот најави и зголемување на субвенциите за дојдовни туристи, преку средства од Законот за игри на среќа. Инаку, во првите седум месеци годинава на македонските аеродроми се регистрирани рекордни 2,4 милиони патници.

Најнови вести од: Македонија

Мицкоски во Берлин на собир на ,,Коалицијата на волните”

Премиерот Христијан Мицкоски, заедно со министерот за надворешни работи и надворешна трговија Тимчо Муцунски, денеска во Берлин учествуваше на состанокот на Коалицијата на волните посветен на актуелната состојба во Украина и напорите за постигнување мир

АмЧам: Реформите, иновациите и меѓународните стандарди предуслов за подобра здравствена заштита

Американската стопанска комора во Македонија е акредитиран член на Стопанската комора на Соединетите Американски Држави и на мрежата на Американски стопански комори во Европа, организација која претставува 49 Американски стопански комори од 47 земји во Европа и Евроазија.

Велјановски до опозицијата: Не може да се заборави како ја пљачкавте државата

На денешната собраниска седница на Комисијата за финансирање и буџет каде се дискутираше Предлог-Буџетот за 2027 година, пратеникот од ВМРО-ДПМНЕ, Александар Велјановски, кажа дека и покрај долговите наследени од претходната влада, предводена од СДС, кои се тежок товар за државата, оваа Влада предводена од ВМРО-ДПМНЕ ќе продолжи со силни инвестиции, со работа на фискална консолидација, но и со зајакнување на здравствената и социјалната заштита на граѓаните.

Ристески: Клучен приоритет на Владата е да ги задржи младите во Македонија

Законот за сезонски работници што е во сила од 1 јануари 2026 година, сѐ уште не ги дава очекуваните резултати, но ова не е закон направен за една година. Затоа организираме информативни средби и настани со помош на медиумите, стопанските комори, работодавачите и синдикатите – за да ги анимираме луѓето дека пензионери, студенти, оние кои сакаат дополнително да работат и сите категории невработени лица можат да го искористат, без притоа да го изгубат стекнатиот статус, да имаат комплетно пензиско и здравствено осигурување, фер ангажман, платен работен час колку што се ангажирани дополнително и со тоа да остварат дополнителни приходи – рече денеска заменик-министерот за економија и труд, Марјан Ристески.

To top