Натаму Мицкоски истакнува: Го немаше Филипче да дискутира во Собранието ниту вчера, ниту викендов, ниту пак се јави за дискусија минатата недела. Каде беше пратеникот Филипче, изминатиов период кога местото на дебата е во Парламентот? И откако сè ќе помине, еве го Филипче прв да се јави со празни и бесцелни прес-конференции. Од друга страна, како продолжена рака и чувар на претседателското партиско столче на Зоран Заев, Филипче им дава насоки на пратениците од пратеничката група на СДС да ги напуштат работните групи за важни закони како што е Изборниот законик.
Во однос на Реформската агенда, по односот што го имаат кон Изборниот законик, можеме да заклучиме само едно нешто. СДС на Венко Филипче со нивниот неформален коалициски партнер Левица, прават се да ја блокираат државата и да го спречат напредокот на патот кон полноправно членство во Европската Унија. Нема друго оправдување за нивните постапки и за намерите по секоја цена да го спречат донесувањето на реформскиот Изборен законик, со кој, меѓу другото се проширува и олеснува остварувањето на демократското право на глас за дијаспората, заклучува Христијан Мицкоски.