Македонија

Мицкоски: Усниот дел од правосудниот испит треба да се полага единствено на македонски јазик

Писмениот дел од правосудниот испит да се полага на јазикот на кој е завршено високото образование, а усниот на македонски јазик. Ова е ставот на македонската Влада, кој денеска го соопшти премиерот Христијан Мицкоски, по вчерашното одбивање на ваквиот предлог од студентите Албанци, на средбата со министерот за правда, Јетон Шасивари.

2 минути за читање

Според премиерот, правото на високо образование на мајчин јазик не е спорно, но нагласи дека треба да се прави разлика меѓу јазикот на образованието и функционирањето на правосудниот систем.

– Писмениот дел од правосудниот испит треба да се полага на јазикот на кој го завршиле кандидатите високото образование, додека усниот дел, кој опфаќа симулација на граѓански и кривичен спор, треба да се одвива на македонски јазик. Никој не го спори правото да се заврши високо образование на јазикот што го овозможила државата – изјави премиерот, посочувајќи дека правните факултети во земјава овозможуваат образование и на јазици различни од македонскиот.

Мицкоски се повика на принципот на употребата на заеднички јазик во одреден систем. – Во Македонија, тој јазик е македонскиот и согласно со препораката на Венецијанската комисија, треба да се почитува мислењето од меѓународните институции. Така што правосудниот систем во Македонија систем, во кој македонскиот јазик ќе биде тој што е официјален – дециден е Мицкоски.

Тој се повика и на препораките на Венецијанската комисија во врска со Законот за употреба на јазиците, посочувајќи дека треба да се земаат предвид мислењата на меѓународните институции.

Претставниците на студентите Албанци, по средбата со министерот за правда, Шасивари, изјавија дека целосно им е неприфатлив предлогот со кој би полагале 12 предмети за правосуден испит на албански јазик, а само два на македонски.

– Нашето барање е целиот правосуден испит да го полагаме на албански јазик. Не сме задоволни бидејќи треба да се полагаат два испити на македонски јазик. Имаме Закон за употреба на јазиците, кој им дозволува на албанските студенти правосудниот испит да се полага на албански јазик. Ние не бараме ништо, освен да се почитуваат Уставот и законите. Шасивари ни вети дека повторно ќе има средба со нашите декани и професори, но сакаме целиот правосуден испит да се полага на албански јазик – изјави Сухејб Мехмеди, студентски правобранител од Универзитетот „Мајка Тереза“, кој најави нови протести ако не се исполни нивното барање.

 

Поврзани теми:

топ

Најнови вести од: Македонија

Мицкоски: Ако не се свртиме кон семејните вредности и многудетните семејства економијата ќе биде на удар

Ако не се свртиме кон семејните вредности и кон многудетните семејства и ако тие вредности не ги промовираме, македонската економија ќе биде прва која што ќе биде на удар, истакна денеска премиерот Христијан Мицкоски, коментирајќи ја изјавата на вицепремиерот и министер за транспорт, Александар Николоски дека до 2030 година годишно ни се потребни 50.000 странски работници, за да го држиме нивото на БДП што го имаме сега.

ОКТА продолжува со попуст од два денари по литар дизел гориво

Како одговор на најновите случувања на меѓународните пазари на горива, ОКТА АД – Скопје воведува привремен попуст од 2 денари по литар дизел гориво, со важност од денеска, 20 октомври 2026, до 2 ноември 2026 г.

(Фото): Работна средба за инфраструктурните приоритети на Карпош

Градоначалникот на Општина Карпош, Сотир Лукровски, се сретна со ресорниот министер за транспорт, Александар Николоски, каде беа разгледани тековните инфраструктурни проекти и можностите за нови инвестиции во интерес на граѓаните.

Клековски: Со бугарската министерка се согласивме дека случајот со Ива е правно, а не здравствено прашање

Македонскиот министер за здравство Сашо Клековски изјави дека за време на средбата со бугарската министерка за здравство во Софија била постигната премолчена согласност дека случајот со Ива Михаилова не е прашање од областа на здравството, туку од надлежност на правосудните институции.

Се разгледуваат две локации за новиот Клинички центар во Скопје – вложувања во здравствени објекти во Штип, Тетово и Кичево

Две локации во близина на болницата „8 Септември“ се разгледуваат за изградба на новиот клинички центар во Скопје, а преговорите за изборот на парцелата треба да завршат до крајот на годинава, најави премиерот Христијан Мицкоски. Истовремено, Владата подготвува инвестиции во три здравствени објекти во Штип, Тетово и Кичево, при што реализацијата на првиот проект би можела да започне во летото 2027 година.

Јани Макрадули осомничен дека ја оштетил „Пошта“ речиси за 180 илјади евра!

Управата за финансиска полиција поднесе кривична пријава против поранешниот генерален директор на АД „Пошта на Северна Македонија“, Јани Макрадули, поради сомнение за злоупотреба на службената положба и овластување.
Сите вести од Македонија

Најнови вести

To top