Македонската амбасада во Бразил е во комуникација со Амбасадата на Боливија во Бразилија по информациите од српските медиуми за убиството на три лица во Боливија, меѓу кои, според медиумските извештаи, има двајца српски и еден македонски државјани, соопшти МНР.
Од Министерството за надворешни работи информираат дека се чека завршување на обдукцијата за официјална потврда на идентитетот на жртвите, која во моментов е во тек.
По добивањето на потврдените податоци од боливиските власти за идентитетот и околностите на настанот, МНР најави дека дополнително ќе ја извести јавноста.