Министерот за надворешни работи на Бугарија им се пожали на колегите од земјите-членки на Европската унија и на институциите на ЕУ дека Македонија не го исполнува договореното со т.н. Француски предлог, кој стана услов за вистински почеток на преговорите за македонското членство во Унијата.
„Одобрениот пакет-договор во јули 2022 година на европско ниво останува единствениот можен пат за напредок на оваа земја-кандидат кон ЕУ. За жал, наместо конструктивен дијалог и добрососедски односи, забележуваме политика на конфронтација, провокации и отстапување од преземените обврски, вклучувајќи го и оспорувањето на клучните договорени работи пред Уставниот суд во Скопје.
Не е можна промена во договорениот европски консензус или на која и да е негова компонента. Бугарија очекува од соседната држава совесно да ги исполнува своите ангажмани, за што не е еднаш инсистиррал и самиот Европски совет.
Остануваме на ставот дека најдоброто решение за иднината на Западен Балкан е учеството на сите држави во овој најуспешен проект наречен Европска унија. Подготвени сме да му помогнеме и на Скопје да го изоди својот европски пат во процесот на реформи, имајќи предвид дека членството во обединета Европа е единствениот избор на неговата влада“, се вели во писмото на Георгиев.