Македонија

Муцунски се сретна со македонската дијаспора во Швајцарија

Министерот за надворешни работи и надворешна трговија, Тимчо Муцунски, кој е на повеќедневна официјална посета на Швајцарија, вчера во Женева се сретна со претставници на македонската дијаспора.

1 минута за читање

Министерот за надворешни работи и надворешна трговија, Тимчо Муцунски, кој е на повеќедневна официјална посета на Швајцарија, вчера во Женева се сретна со претставници на македонската дијаспора.

„Посебна чест ми беше, на првиот ден од работната посета на Женева, заедно со бројната македонска дијаспора, да го одбележиме Денот на независноста – 8 Септември,“ изјави Муцунски.

Во своето обраќање, министерот го истакна значењето на македонската дијаспора како мост помеѓу двете држави, промовирајќи поблиски културни и економски врски, како и чувар на идентитетот и вредностите на Македонија. „Изразив благодарност за сите иницијативи, проекти и активности што произлегуваат од македонската заедница во Швајцарија и ја потврдив решеноста на Владата, институционално и преку конкретни мерки, да ја унапреди врската со Македонците ширум светот,“ напиша Муцунски на Фејсбук.

За време на посетата на Швајцарија, Муцунски ќе се обрати на Самитот на млади лидери, организиран од Светскиот економски форум во Женева. Исто така, тој ќе го отвори Почесниот конзулат на Република Северна Македонија во Женева и ќе оствари билатерални средби со генералниот директор на Светската трговска организација, заменикот висок комесар за човекови права, директорот на Женевскиот центар за безбедносни политики и специјалниот известувач за малцински прашања при Советот за човекови права на Обединетите Нации.

Поврзани теми:

швајцарија|Тимчо Муцунски|дијаспора|МНР

Повеќе на оваа тема:

Најнови вести од: Македонија

Македонија не би требало да прифаќа по налог на ЕК третман како безначајна „геоополитичка трева“, која би ја газеле „слоновите“ додека се тепаат меѓу себе

Не соодветствува со автентичните државно-национални интереси на Македонија и на нејзините граѓани најновата позиција, која ја изнесе еврокомесарката за проширување на ЕУ Марта Кос, дека „земјите-кандидатки мора да направат геополитички избор на која страна се пред да влезат во ЕУ“. Спроведувањето на овој став дополнително би ја  усложнил ионака сложената ситуација, во која се наоѓа Македонија веќе изложена на сериозни критики во најновиот извештај на Европската комисија дека „не искажува резултати во реформите“ и оти „запаѓа во застој“.

Еврокомесарката Кос: Земјите-кандидатки мора да изберат на која страна се пред да влезат во ЕУ

„Би можеле да ја видиме Европа обединета за прв пат во ист дом, но тоа исто така значи и правење избори.“ – изјави еврокомесарката за проширување Марта Кос во интервјуто, кое го даде за „Еуроњуз“ на Самитот за проширување, што се одржа во Брисел оваа седмица. „Ако се свртите кон Русија, или ако не примените санкции, тоа е нешто, што не можеме да го толерираме.“ – предупреди Кос.

Обилен дожд и ноќва низ цела Македонија, до кога?!

Поради влијанието на серијата на влажни воздушни бранови од Медитеранот во Македонија во изминатите 12 часа до 19 часот на повеќе места беше врнежливо а повремено врнежите беа обилни и поројни и проследени со грмежи како и со засилен ветер од јужен и од југоисточен правец.

(Фото): И дење и ноќе – Скопје се чисти како никогаш до сега, рокот од 72 часа истекува в недела

Акцијата за почисто Скопје е во полн ек. Новиот градоначалник Ѓорѓиевски и надлежните служби имаат рок уште неколку часа да го реализираат предизборното ветување за уреден и чист град. И дење и ноќе – Скопје се чисти како никогаш до сега, рокот од 72 часа истекува в недела.

Алиу: ДПА нема добиено покана за влез во владата, но нема да ја одбие, ако биде упатена

„Поразот на ДУИ на локалните избори не е национална трагедија на Албанците.“ – изјави Имер Алиу, членот на Централното претседателство на ДПА, која попладнево денес одржува Централно собрание.

И во медицината ќе се применува вештачка интелигенција за подобрување на дијагностиката

Здравствениот систем на 21 век не се гради само со ѕидови, апарати и процедури, туку се гради со податоци, со интеграција, предвидување и дигитална инфраструктура во здравството, порача министерот за здравство, Азир Алиу во обраќањето на отворањето на Саемот за медицина, стоматологија и фармација во Скопје, во организација на Комората на приватно здравство на Македонија.
Сите вести од Македонија

Најнови вести

To top