Министерството за внатрешни работи ги информира граѓаните дека на социјалните мрежи кружи лажна објава во која се тврди дека одредени компании за техника наводно нудат модерни телефони преку „внатрешна програма“ поради оштетена амбалажа.
Станува збор за класична интернет-измама со цел прибирање лични податоци или насочување кон сомнителни веб-страници. МВР апелира до граѓаните:
Да не кликнуваат на линкови во вакви објави,
Да не споделуваат лични информации и
Да не веруваат на тврдења за „скриени понуди“ или „внатрешни извори“
Компаниите за техника не продаваат производи преку тајни страници или неофицијални канали на социјалните мрежи, потенцираат од МВР.
Секторот за компјутерски криминал при Министерството за внатрешни работи веќе презема соодветни мерки, а од граѓаните се бара доколку забележат ваква објава, да пријават во најблиската полициска станица.