Државата нема увид, колку македонски студенти студираат на странските универзитети, иако секоја година илјадници млади наместо на некои од домашните универзитети, се запишуваат во странство, со што земјава ги губи оние кои треба да бидат нејзината иднина.
Најголем интерес има за студии во Словенија, каде за само две години се запишале повеќе од 3.100. Добар дел од нив воопшто не се враќаат назад, остануваат да живеат и работат во Словенија или во некоја друга европска држава.
Словенечките универзитети нудат бесплати студии за македонските, а од неодамна бесплатни се и постдипломските студии.
„Министерството за образование не располага со прецизни податоци за бројот на македонски студенти во странство, од причина што нема можност да го следи одливот на наши граѓани кои заминуваат во странство на сопствена иницијатива.
Располагаме со податоци за број на студенти кои добиле стипендија од МОН за студирање во странство, како на пример оние кои се запишани на некој од најдобрите 100 светски универзитети. Станува збор за 400 студенти на сите три циклуси на студии во периодот од 2010 година до сега“, велат од -Министерство за образование, пренесува Алсат М.
Македонските факултети последните години бележат драматичен пад на бројот на студенти. Професорите велат дека ова може да се промени со поголема вклученост на студентите во практична работа на компаниите, со поголеми стипендии, и повеќе можности за работа.
ПОВЕЌЕ на ЛИНКОТ