Македонија

Николоски: Македонија и Бугарија се договорија за заедничкиот тунел од пругата, проблемот со железницата беше инженерски, а не политички

„Овој проект ќе се финансира со ефтини кредити и грантови, за кои веќе има интерес од Европската Унија и Европската инвестициска банка, и тој има и геостратегиско значење, бидејќи е поддржан од НАТО и САД.“ – изјави вечерва во емисијата „Топ Тема“ на ТВ Телма заменик-претседателот на Владата и министер за транспорт и врски Александар Николоски.

2 минути за читање

„Постигнат е конкретен и цврст договор меѓу Македонија и Бугарија за изградба на заедничкиот тунел од железничката пруга.“ – потврди Александар Николоски. „Не успеа намерата на поединци во Бугарија да направат политички проблем од инженерски проект. Сега имаме јасен договор. Гарант за тоа се Европската Унија и САД“ – додаде тој.

Вицепремиерот Николоски посочи дека ова не била лесна задача ниту за бугарскиот вицепремиер и министер Караџов, на кого му оддаде признание, бидејќи, како што рече, „сериозни политички структури беа против овој проект“.

Како клучен момент во напредокот на преговорите Николоски го наведе состанокот во Истанбул, каде што двете страни постигнале целосна согласност околу сите прашања. „Таму го претставив проектот, што го има изработено Македонски железници за целиот тунел, тие го разгледаа и го прифатија. Јас презедов обврска да ја забрзаме работата на делницата од Бељаковце до Крива Паланка и да го објавиме тендерот за делот до границата. Очекувам тоа да се случи во декември. Бугарскиот вицепремиер се обврза Бугарија да инвестира 1,2 милијарди евра, најголем дел за реконструкција на постојната инфраструктура и за делот од Ѓуешево до граница.“ – напомна Николоски.

Тој нагласи дека проектот има и геостратегиско значење, бидејќи е поддржан од НАТО и САД. „ Овој коридор е важен за снабдување на Украина. Од Бургас до Одеса патувањето со брод е кратко, а железницата овозможува ефтин транспорт, кој може да се користи и при реконструкција на Украина, или при натамошни активности за одбрана.“ – додаде вицепремиерот Николоски.

Тој истакна дека со Караџов е договорена и изградба на експресен пат и автопат до Деве Баир, што, како што рече, се случува првпат во историјата на односите меѓу двете земји. „Дополнително, се договоривме да ги споиме Коридорот 10 и бугарскиот Коридор „Струма“. Тоа значи нова експресна врска од Македонија преку Смоквица, Валандово, Струмица и Ново Село. Проектот ќе се финансира со ефтини кредити и грантови, за кои веќе има интерес од Европската Унија и Европската инвестициска банка.“ – објасни Александар Николоски.

Македонска информативна агенција – МИА 

Поврзани теми:

актуелно|еу|железничка пруга Македонија-Бугарија

Повеќе на оваа тема:

Најнови вести од: Македонија

Втор ден од Самитот на Македонија2025: Лидерството и довербата се клучни за иднината во ера на глобални промени и вештачка интелигенција

Вториот ден од Самитот на Македонија2025, што се одржува под мотото „По 2025: Забрзување на растот. Поттикнување на лидерство“, е посветен на значењето на лидерството во услови на кризи и притисоци, улогата на компаниите и институциите во задржување на талентите, како и влијанието на вештачката интелигенција во образованието, пазарот на труд и иднината на работните места. Посебен акцент е ставен на довербата и потребата од заедничка акција во време на глобални економски, геополитички и технолошки промени.

МВР предупредува: Има зачестена појава на измамнички пораки за наплата на сообраќајни прекршоци

Секторот за компјутерски криминал при Бирото за јавна безбедност и Одделението за сајбер безбедност при Одделот за информатика и телекомуникации во рамки на Министерството за внатрешни работи

Трипуновски: Потребно е расветлување на случајот со распределбата на финансиските средства, станува збор за над 800.000 евра

Министерот истакна дека постојат сериозни индиции и докази за злоупотреби во доделувањето грантови, при што бил заобиколен системот на Платежната агенција

Повреденото дете во училиштето во Ченто е во стабилна, но и во критична здравствена состојба

Деветтооддленецот кој вчера беше прободен со нож во основното училиште „22 ноември“ во Скопје од поранешен ученик е стабилизиран, но и натаму е под постојан лекарски надзор. Од Ургетниот центар велат дека во третманот се вклучени хирурзи од повеќе оддели и се прави се за да се подобри состојбата на детето.

(Фото): Потврдено: Волк се шетал низ Скопје, сега е во карантин во Зоолошката градина

Агенцијата за храна и ветеринарство демантираше дека изјавиле оти заловеното животно во скопската населба Козле е чипиран домашен миленик – куче, кое сопственикот бара да му биде вратено, а не волк како што се претпоставуваше.
Сите вести од Македонија

Најнови вести

To top