Македонија

Обид за филмско бегство од македонската полиција, не успеал да избега далеку

Не успеал да избега подалеку од затворот во Охрид

2 минути за читање

Млад Стружанец премногу гледал филмови и во момент кога бил фатен во вршење на кривично дело изнуда направил обид за бегство кој завршил неуспешно.

Според извори во струшката полиција изнудувачот бил фатен по само неколку стотини метри по што веднаш бил однесен во затворот во Охрид.

 

Портпаролот на СВР Охрид Стефан Димоски не дава информација за обидот за бегство но во соопштение потврдува дека полицијата фатила осомничен за изнуда во моментот кога го добил парите од жртвата која останува анонимна.

 

,,СВР Охрид поднесе кривична пријава против Л.П.(19) од Струга поради постоење основи на сомнение за сторено кривично дело „изнуда“ по член 258 од Кривичниот законик.

По преземени посебни истражни мерки, реализирани од СВР Охрид и Одделот за криминалистичка полиција – Отсек за општ и насилен криминал во МВР, констатирано е дека пријавениот со намера да се стекне со противправна имотна корист, во периодот од 04.08.2025 до 12.08.2025 на едно лице од Охрид, преку мобилна апликација му испраќал пораки со заканувачка содржина, барајќи му 20.000 евра.

При преземањето мерки во врска со пријавата, на Л.П. му се дадени обележани пари, кои се најдени кај него, по што е фатен и лишен од слобода. Нему му е одредена мерка притвор, по што бил спроведен во Казнено – поправната установа Затвор Охрид за издржување на мерката”, стои во соопштението од СВР Охрид.

 

Фото: Илустрација од друго бегство што не се случило во Македонија

 

Последна вест

 

Се бара екс министерот на СДСМ да отиде во полициска станица на хрватски остров

Личен документ на екс министер на Заев се појави на социјалните мрежи во Хрватска

/

Поврзани теми:

мвр|СВР Охрид|Стефан Димоски|Изнуда|рекет|филмско бегство

Повеќе на оваа тема:

Најнови вести од: Македонија

(Фото): Нема да дозволиме профитерство, рече Мицкоски по средбата со газдите на маркетите

По средбата на претставниците на маркетите и премиерот во Владата е заклучено дека не треба да има ново зголемување на цените. Премиерот порача дека нема да се дозволи профитерство на грбот на граѓаните.

(Видео): Синдикатот за култура со кривична за министерот Љутков – тој пак тврди: Барањата за раст на платите се незаконски

Синдикатот за култура поднесе кривична пријава против министерот за култура, за злоупотреба на службената положба и кршење на правата на вработените. Според претседателката на синдикатот, Вера Атанасовска министерот со инструкции испратени по е-пошта се обидел да ги поткопа правата на вработените и колективните договори. Синдикатот наведува дека повеќе од 800 пријави се поднесени од вработените во културата и дека постојат правосилни судски одлуки во нивна корист.

Николоски од Вашингтон: Разговаравме за економска соработка, енергетската транзиција и изградба на коридори

На средбата со Даниел Лотон, заменик-помошник државен секретар за Европа, беше нагласено силното партнерство меѓу двете земји, засновано на меѓусебна поддршка и споделена посветеност на демократските вредности, како и на создавање подобри перспективи за економска и трговска соработка, соопшти Министерството за транспорт.

Кај судијата Ѓоко Ристов пронајдени судски предмети, кои не ги гибал сѐ до истекување на роковите, најверојатно за да застарат!

Судскиот совет констатира сериозни сомнежи за несовесно и нестручно постапување на судија од Апелациониот суд Скопје, поради неразумно одолжување на судски постапки што довело до апсолутна застареност на предмети. Во извештаите се наведува дека дел од предметите биле чувани во фиока сè до истекување на роковите за кривичен прогон. Иако на седницата не беше јавно посочено името на судијата, досегашните сознанија имплицираат дека е тоа судијата во Апелацискиот суд Ѓоко Ристов. Против него и порано беа поднесувани анонимни претставки до Судскиот совет.

Попов: Македонскиот јазик не е „вештачка конструкција“ и борбата за него не е завршена! Стратегиските партнери треба да помогнат за спорот со Бугарија!

–Официјализирањето на македонската азбука и на македонскиот стандарден јазик не е никаква „вештачка конструкција“, туку логичен тек на долговековниот просторен и временски континуитет на македонскиот јазик и неговите дијалекти на цела територија. Тој има долга историја и особен влог во рамките на групата на словенски јазици и светското јазично семејство. Но борбата за зачувување на македонскиот јазик не е завршена. Таа мора да трае и да продолжи пред меѓународните институции за човекови права бидејќи неговата официјална употреба од страна на деловите на македонскиот народ во соседните земји е оневозможена со преземените обврски со потпишаните меѓународни договори. “ – нагласи Живко Попов, претседателот на Македонската академија на науки уметности, денес во своето годишно обраќање. .
Сите вести од Македонија

Најнови вести

To top