Македонија

Обвинение за криминал со средствата од ИПАРД

Обвинетите се „лизнале“ токму на парите, нудејќи и делејќи мито за да протуркаат апликација што не ги исполнувала условите

2 минути за читање

Наместо дел од европските пари да завршат кај земјоделците, завршиле во обид за поткуп од 50 илјади евра. Поднесено е обвинение за аферата ИПАРД.Според Обвинителството за гонење организиран криминал и корупција, обвинетите се „лизнале“ токму на парите, нудејќи и делејќи мито за да протуркаат апликација што не ги исполнувала условите.

Во шемата се вмешани девет луѓе и едно правно лице, меѓу нив и државни службеници од Агенцијата за финансиска поддршка на земјоделството кои, иако знаеле дека апликацијата не смее да помине, сепак ја одобриле за пари.

Четворица се зад решетки, еден е во куќен притвор, а обвинителството бара продолжување на мерките и одземање на телефони , дигитални уреди и над 35 илјади евра, плус денари и швајцарски франци. За другите државни службеници се предлагаат мерки на претпазливост – забрана да работат во Агенцијата, одземање на пасошите и обврска редовно да се јавуваат кај надлежен орган.

Првообвинетиот, како управител на фирма, аплицирал за финансиска поддршка на јавен повик од Агенцијата за финансиска поддршка во земјоделството и руралниот развој. Бидејќи фирмата не ги исполнувала условите, апликацијата била лошо рангирана и не требало да добие пари. За да ја смени одлуката, управителот во повеќе наврати нудел и давал мито. На едно раководно лице во Агенцијата му бил ветен подарок од 50.000 евра, а на уште три лица им биле дадени по 5.000 евра за да влијаат врз постапката и да обезбедат незаконско одобрување на средствата – се вели во соопштението на ОЈО ГОКК.

Обвинетите, со погрешни пресметки и нецелосна документација, тие ја одобриле финансиската поддршка што не смеела да биде одобрена.

„Обвинетите постапувајќи спротивно на своите службени обврски, овозможиле незаконско одобрување на апликацијата. Тие при обработка и контрола на документацијата извршиле погрешна пресметка на исполнетоста на условите и врз основа на некомплетна документација го изработиле, контролирале и одобриле Образецот за контрола на комплетност на договорот, а потоа и Решението за одобрување на финансиска поддршка. Второобвинетиот во Обвинителниот акт, иако бил свесен дека правното лице не ги исполнува законските услови, го потпишал решението со намера да го прими ветениот подарок , се вели во објавата на ОЈО ГОКК.

Освен овој случај, Обвинителството проверува и други можни злоупотреби на ИПАРД парите.

 

Поврзани теми:

топ|pritvor|обвинети|обвинение|земјоделци|ИПАРД фондови

Повеќе на оваа тема:

Најнови вести од: Македонија

„Дупла корупција“: Директорот Васе Анакиев, уапсен на дело со 50 илјади евра, за „услугата“ барал двојно повеќе пари, кои ги давала шпедитерска фирма

Директорот на Државниот инспекторат за земјоделство, Васе Анакиев (41) од Кочани, е лишен од слобода под сомнение за примање поткуп, информира Министерството за внатрешни работи. Како што соопшти МВР, акцијата е спроведена на 20 март 2026 година и против него е поднесена кривична пријава до Основното јавно обвинителство за гонење организиран криминал и корупција за […]

Никој не е над законот, очекуваме расчистување на случајот со уапсениот директор, велат од земјоделство

Борбата против корупцијата е врвен приоритет и дека, како што велат, „никој не е над законот“. Во соопштението се прави и политичка дистинкција, при што се посочува дека, за разлика од претходните власти, актуелната Влада спроведува неселективна правда, без оглед на функцијата или политичката припадност.

„Н.М“: Дали бугарските шовинистички барања ја будат совеста на Европа?! Во Стразбур се отвори простор за правно делегитимирање на Вториот протокол!

„Ако се утврди дека Вториот протокол кон „Договорот за добрососедство со Бугарија’ не е дел не е дел од формалната преговарачка рамка, или дека излегува надвор од европските стандарди, тогаш ќе се отвори простор за негово правно делегитимирање! – пишува денес весникот „Нова Македонија“, повикувајќи се на правни експерти од Македонија, кои се во директна комуникација со експертските служби во ЕУ.

Л.И. (27) од Црна Гора украла накит од златарница во Тетово, па била уапсена

Вчера, на 19 март 2026 во 16 часот во Тетово на ул.„Страшо Пинџур“ полициски службеници од СВР Тетово ја лишија од слобода Л.И. (27) од Р. Црна Гора, по претходна пријава од А.Х. (31) од Тетово, дека од неговата продавница за златен накит во Тетово, едно женско лице, кое питачело, одзело златни предмети.

Туфегџиќ: Јавното обвинителство нема контакт со реалноста и Савески, како „свежа крв“ во правосудството, ќе наметне нов пристап во неговото дејствување!

Адвокатот и поранешен судија Владимир Туфегџиќ оцени дека изборот на Ненад Савески како државен јавен обвинител претставува значајна можност за суштински промени во правосудниот систем, но изрази изненадување што изостанала јавна поддршка од институциите. Туфегџиќ јавно му даде поддршка на Савески, порачувајќи дека пред него стои сериозна задача, но и можност за вистинска преобразба на обвинителството. Тој  смета дека Савески има „огромна одговорност и историска шанса“ да поттикне позитивни движења и реални реформи, кои би ја вратиле довербата во институциите. 
Сите вести од Македонија

Најнови вести

To top