Македонија

Одлична вест за инвеститорите на берза! Перпетуалната обврзница на УНИБанка од четвртата емисија ќе котира на Македонска берза

Новата перпетуална обврзница издадена од УНИБанка АД Скопје со тикер UNIPO4 од 22.10.2025 и официјално ќе котира на Македонска берза АД Скопје

2 минути за читање

Новата перпетуална обврзница издадена од УНИБанка АД Скопје со тикер UNIPO4 од 22.10.2025 и официјално ќе котира на Македонска берза АД Скопје. Ова претставува одлична вест за сите инвеститори кои се во потрага по нови можности за оплодување на нивните средства преку инвестирање во хартии од вредност кои овозможуваат годишен приход во форма на купонска камата.

Перпетуалната обврзница на УНИБанка обезбедува купонска годишна камата од 6%, нема рок на достасување, а каматата се исплаќа полугодишно на секои шест месеци. Банката има опција, по сопствено видување, да ги купи обврзниците по изминати 5 години од нивното регистрирање, во кој случај обврзниците ќе бидат доспеани, а инвеститорите ќе добијат исплата на вложените средства како главница. За перпетуалните обврзници не постојат ограничувања и со нив може да се тргува на секундарниот пазар на хартии од вредност што претставува можност за инвестирање за сите оние инвеститори кои не успеаа да запишат обврзници при самото издавање.

Станува збор за четврта емисија на хартии од вредност издадени од УНИБанка кои ќе котираат на Македонската берза. Банката, покрај обичните акции кои котираат на Македонската берза, претходно издаде три емисии на перпетуални обврзници (шифра: UNIPO, UNIPO2 и UNIPO3) , од кои првата издадена перпетуална обврзница со шифра UNIPO ја откупи од инвеститорите по првите пет години. УНИБанка, како пионер во издавањето на хибридни инструменти, преку своите издавања на перпетуални обврзници успешно ги исполнува двете клучни цели – зајакнување на капиталната основа со вклучување на обврзниците како додатен основен капитал од ниво 1 и развој на домашниот пазар на капитал со нови можности за вложување, придржувајќи се до високи стандарди на транспарентност и корпоративно управување. 2025 е уште една успешна година во низа за УНИБанкa.

Банката остварува стабилни и позитивни финансиски резултати, а нејзините акции веќе неколку години се меѓу најатрактивните на Македонската берза. Тоа е потврда за стабилноста и сигурноста на Банката, на довербата која ја ужива во земјава од акционерите и инвеститорите, како и од штедачите и деловните субјекти.

Поврзани теми:

инвеститори|финансиски резултати|актуелно|банка|бизнис|Уни Банка|поволности

Повеќе на оваа тема:

Најнови вести од: Македонија

Едно избирачко место воопшто не е отворено, во останатите гласањето се одвива непречено

До 9:00 часот утрово излезеноста за повторните локални избори во општина Врапчиште е еден процен или гласале 272 лица, во општина Гостивар 0,93 проценти или 651 гласач, во Маврово – Ростуше 2,89 отсто или 306 лица, додека во општина Центар Жупа 0,75 проценти или гласале 57 избирачи, соопшти Државната изборна комисија (ДИК).

Утринава на Попова Шапка најстудено, минус 8 степени, но и најмногу снег, 31 сантиметар

Времето денеска ќе биде променливо облачно и студено, претпладне со повремени локални врнежи од снег, попладне врнежите ќе престанат. Ќе дува умерен, а долж Повардарието засилен ветер од северен правец. Максималната температура ќе биде во интервал од -1 до 5 степени. Во Скопје, променливо облачно и студено. Претпладне со повремен слаб снег. Ќе дува умерен, во делови од котлината повремено засилен ветер од северен правец. Максималната температура ќе достигне до 3 степени.

Нобеловиот институт ja отфрли замислата на Мачадо да му ја „отстапи“ на Трамп наградата за мир

Нобеловиот институт објави во саботата дека Нобеловата награда за мир не може да се пренесе на друга личност, да се подели или да се одземе, откако лидерката на венецуелската опозиција Марија Корина Мачадо, изјави дека може да му ја отстапи наградата за 2025 година на американскиот претседател Доналд Трамп.

За Беџети, „кандидат за нобеловец за економија“, „легитимно е РСМ да се федерализира, а да се смени антиалбанскиот устав“!

„Барањето за федерализација на Македонија е легитимно, но тоа беше поништено уште во 2001 година. Албанската политика сега нема моќ ниту да го отстрани терминот ‘20 проценти’ во антиалбанскиот устав.“ – наведува д-р Неџат Беџети, професор по економија во државниот Универзитет во Тетово, кој инаку беше предложен од група од негови колеги-економисти во декември 2023 година како „кандидат за добивање Нобелова награда за економија“, со образложение дека „развил ‘Теорија на економскиот развој заснована врз демографското концентрирање“. Кандидатурата на Беџети била пријавена во Комитетот за Нобеловата награда, но друг ја имаше добиено.

Денес повторни избори за градоначалник во четири општини

Во општините Гостивар, Маврово – Ростуше, Врапчиште и Центар Жупа денеска се одржуваат повторени избори за градоначалник, откако на првиот круг на локалните избори на 19 октомври минатата година не беше постигната законската излезност од најмалку една третина (33,33 проценти) од запишаните гласачи, што е услов изборите да се сметаат за успешни.

Македонија воведува најстроги забрани против пушење, казни за граѓаните и до 300 евра

Државата подготвува целосно нов и значително построг Закон за заштита од пушење, со кој драстично се заоструваат правилата за употреба, продажба, рекламирање и промоција на тутунските и никотинските производи.
Сите вести од Македонија

Најнови вести

To top