Македонија

Отпечатена е првата разгледница „Поздрав од Голо Брдо“ на Ѓурѓај – придонес за зачувување на културното наследство на Македонците во Албанија

Разгледницата „Поздрав од Голо Брдо“ е авторско дело на Никола Ѓурѓај, претседател на Mакедонското друштво „Илинден“ од Тирана и уредник на истоимениот весник на македонски јазик. Првото издание на разгледницата е отпечатено со парична поддршка од семејството Ѓурѓај.

1 минута за читање

„Ваква разгледница, посветена на областа Голо Брдо, за првпат е изработена во Република Албанија. Содржи 15 фотографии од селата во овој прекрасен крај, населен главно со Македонци. Покрај природните убавини, со кои Бог ја дарувал областа, има и многу културни историски споменици, кој секој би посакал повторно да ги види.“ – посочува Ѓурѓај за Македонската информативна агенција – МИА. 


Никола Ѓурѓај истакнува дека ова негово дело ќе биде придонес за зачувувањето и претставувањето на македонското културно наследство. „Засега разгледницата ќе биде разделена низ цела Република Албанија, претставувајќи значаен придонес за зачувувањето и претставувањето на македонското културно наследство на Македонците во Република Албанија.“ – нагласува Никола Ѓурѓај.

Во областа Голо Брдо има 22 села, од кои 18 се населени со Македонци, а во останатите населението е со мешан етнички состав.

Поврзани теми:

актуелно|Македонци во Албанија|Mакедонско друштво „Илинден“ од Тирана|Област Голо Брдо|Никола Ѓурѓај|македонско културно наследство во Албанија

Најнови вести од: Македонија

ЕВН Македонија го започна проектот „PULSE“ за јакнење на улогата на жените во енергетската транзиција

Со овој проект, ЕВН Македонија уште еднаш ја потврдува својата заложба да биде активен чинител на позитивни промени, градејќи енергетски сектор во кој еднаквоста е темел за одржлива иднина

„Цементарница Усје“ не е главната причина за загадувањето во Скопје, тврди менаџментот на фабриката

Цементара Усје не е причина за загадениот воздух во Скопје. Компанијата работи по сите стандарди и ги почитува законите, затоа не гледаме причина за дислокација. Вака техничкиот директор на Цементара „ТИТАН Усје“, Гоце Цветковски одговори на новинарско прашање, прашан за тоа како компанијата гледа на обвинувањата од страна на граѓаните дека се најголем загадувач на воздухот во Скопје но и на барањата за дислокација.

ВИДЕО: На самото место фатени дрвокрадци кои пустошат на радовишка Плачковица (Видео)

„Конечно на самото место лице место фатени дрвокрадци кои, пустошат на радовишка Плачковица, Одземени се две моторни возила, една моторна пила и други средства кои ги користеа денеска дрвокрадците! Сторителите се идентификувани и против нив веднаш ќе бидат поднесени кривични пријави.“ – изјави заменик директорот на ЈП „Национални шуми“ Кире Михаилов.
Сите вести од Македонија

Најнови вести

To top