Денеска времето ќе биде променливо облачно, со локални врнежи од дожд од послаб интензитет и услови за појава на ретки грмежи.
На повисоките места врнежите на моменти ќе бидат од дожд и снег, додека на планините ќе преовладува снег.
Ќе дува слаб до умерен ветер од северен правец, соопшти Управата за хидрометеоролошки работи.
Минималните температури ќе се движат од -1 до 5 степени, а максималните од 8 до 16 степени Целзиусови.
Во Скопје ќе преовладува променливо облачно време со повремени врнежи од дожд и можност за ретки грмежи.
Ќе дува слаб до умерен ветер од север, при што минималната температура ќе се спушти до 3, а максималната ќе достигне до 12 степени.
Во текот на викендот и во првите денови од наредната седмица, ќе продолжи променливото облачно време со локални и послаби врнежи. Пообилни врнежи се очекуваат повторно во текот на ноќта кон среда и во текот на самата среда.
Во недела и во среда ветерот ќе биде умерен, а долж Повардарието и засилен, од северен правец.