Бугарскиот политолог Огњан Минчев смета дека би било „фатална грешка“ и штетно за националниот интерес ако се продаде бугарскиот клон на рускиот нафтен гигант „Лукоил“ на унгарска компанија поради „антибугарската политика на режимот на Орбан“, аргументирајќи ја со – Македонија.
„Под власта на Орбан, Будимпешта води систематска антибугарска политика, заедно со Белград, особено во однос на РС Македонија. Унгарија е директен канал за руско-српската антибугарска политика, која систематски работи за максимално влошување на бугарско-македонските односи. Клучните медиуми, кои се одликуваат со својата антибугарска патетика во РС Македонија, се во сопственост на познати корпоративни играчи во Будимпешта и на унгарскиот капитал воопшто. Зошто треба да ја наградиме антибугарската политика на Будимпешта?“, коментира Минчев на Фејсбук.
„Лукоил“ е најголемата компанија во Бугарија, со приходи од 4,68 милијарди евра во 2024 година.