Јапонскиот оперски пејач Казухиро Котецу предизвика бура од одушевување кај публиката во својата родна префектура Тотори со изведбата на „Ако умрам ил’ загинам“ на бардот на македонската патриотска песна Јонче Христовски.
Сведоците на неговиот прв концерт со македонски народни песни во Јапонија, кој се одржа во хотелот „Ана“ во градот Јонаго, со аплаузи и овации го наградија вљубеникот во Македонија кога на крајот од сопствената маестрална интерпретација го фрли палтото во стилот на пејачот што го обожава.
Синоќа во градот Јонаго, префектура Тотори, во хотелот ANA одекнаа „Македонско девојче“, „Ако умрам“ и други песни.
Пеев многу, а потоа до доцна ноќта го испив целиот Вранец. pic.twitter.com/bVJQwJugEq— 小鉄和広 Kazuhiro KOTETSU (@KazuhiroKotetsu) November 27, 2025