Македонија

Триумф на Македонската филхармонија среде Виена (ВИДЕО)

„Тешкото“ и „Калино моме“, во изведба на Ана и игор Дурловски, ја кренаа на нозе публиката во преполниот „Музикферајн“

1 минута за читање

Преполната сала и стоечките овации на пробирливата австриска публика најгласно зборуваат за успешниот концерт на Македонската филхармонија синоќа во Виена во рамките на одбележувањето на 80-годишнината од нејзиното основање.

Оркестарот на Филхармонијата, заедно со брачниот пар Дурловски, сопранот Ана и басот Игор, одушевија со маестралната изведба на делата на Глигор Смокварски и на Бете Илин, како и со петте традиционални македонски песни во аранжман на композиторот Сони Петровски.

Под сводовите на „Златната сала“ на „Музикферајн“, во која светот секој 1 јануари сведочи на волшебниот Новогодишен концерт на Виенската филхармонија за кој потоа се прераскажува цела година, посебно одекнаа „Тешкото“ од Глигор Смокварски и „Калино моме“ од Петровски, во чија изведба брилираа Дурловски.

Со овој концерт се одбележаа и 30 години од воспоставувањето дипломатски односи меѓуѕ Македонија и Австрија.

 

Поврзани теми:

концерт|Виена|Македонска филхармонија|Ана и Игор Дурловски|„Тешкото“|„Калино моме“

Повеќе на оваа тема:

Најнови вести од: Македонија

„Македонија 2025“ отвора повик за стипендии за средношколци

Повикот е наменет за средношколци кои покажуваат одличен успех, учествуваат на натпревари, имаат љубопитност, идеи, амбиција и желба да се развиваат. Ова е можност за младите кои сакаат да го направат следниот чекор во своето образование, личен развој и идни професионални цели.

(Видео): Пожар зафати викендички кај Штип, повреден е еден од газдите

Голем пожар одново се прошири кај Штип, а на социјалните мрежи се објавени очајнички повици за помош. Пожарникарите спасуваат луѓе кои се нашле во лозја, а зафатени се повеќе објекти, меѓу кои и неколку куќи, а досега е повреден најмалку еден човек.

Државата остана без 9,5 милиони евра од ИПА фодновите

Финансиската полиција поднесе кривична пријава против странски државјанин и правно лице поради сомнежи за злоупотреби при реализација на проект за канализациска мрежа во Кичево. Поради раскинувањето на договорот, државата останала без 9,47 милиони евра од ИПА-фондовите.

Иловица е една од најголемите потенцијални рударски инвестиции

Интересот од странски инвеститори постои и е континуиран, што се потврдува преку бројните геолошки истражувања и концесии доделени во изминатите години, но јавноста често е поделена поради еколошките ризици и потребата од строги стандарди за заштита на животната средина. Начевски заклучува дека Македонија може да стане регионален снабдувач на одредени суровини и да ја засили својата улога во европските синџири на снабдување.

Дури 235 луѓе истовремено земале и социјална помош и пензија

Неосновано исплатени 236 илјади евра за социјална помош, утврдил Државниот завод за ревизија во најновиот извештај. Станува збор за периодот од 2022 година до јуни 2025 година. Поради слабости во системските контроли, само за 2024 ревизорите утврдиле 235 корисници кои истовремено земале и социјална помош и пензија. Ревизорите предупредуваат дека ваквите состојби се ризик од нерационално трошење на јавните пари, оти ја намалуваат ефикасноста на системот за социјална заштита. Ревизорите посочуваат и на недоволна контрола од центрите за социјална работа, нецелосна документација, доцнење во постапките, како и неефикасно следење на враќањето на неосновано исплатените средства.
Сите вести од Македонија

Најнови вести

To top