Македонското музичко трио составено од Каролина Гочева, Бранислав Николов и Дуке Бојаџиев ја одушеви публиката во Благоевград, која со аплаузи и овации го поздрави нивниот настап во рамките на втората вечер од фестивалот „Crossing Jumaya“.
Плоштадот „Македонија“ во главниот град на Пиринска Македонија беше претесен за да ги прими сите заинтересирани да ги видат и слушнат македонските музички амбасадори, за чија манифестирана виртуозност на сцената не ги штедеа дланките во знак на благодарност.
На позитивните вибрации меѓу домашната публика и гостите од Македонија се надоврзаа обраќањата на градоначалниците на Благоевград, Методи Бајкушев, и на Делчево, Иван Гоцевски, кои испратија пораки за културно поврзување, пријателство и соработка меѓу двете соседни земји.