Македонија

Партијата МАЕИ ќе продолжи да се бори против агресивната политика на Бугарија за негирање на идентитетот на Македонците во Албанија

„„И покрај притисоците, со кои сме постојано соочени – преку разни методи, монтирани тужби пред албанските судови и други обиди за заплашување – Македонска алијанса за европска интеграција ќе продолжи одлучно да се бори против негацијата на македонскиот идентитет во Албанија од страна на бугарските оркестрирани структури, како во Албанија, така и во европските институции.“ – порачува партијата МАЕИ на Македонците во Албанија.

2 минути за читање

Единствената македонска партија во Албанија Македонска алијанса за европска интеграција (МАЕИ), во соопштение за јавноста ги отфрла како неосновани и тенденциозни обвинувањата, изнесени во написот со наслов „Бугарскиот прстен околу Македонија – Македонците во паника – Бугарија го топи нивното население на два фронта“, кој е објавен на бугарскиот интернет-портал „Буревесник.бг“. Ова го објави македонската новинска агенција Нетпрес во својата информација со наслов „Македонците во Албанија се кренаа против бугарската асимилаторска политика“.

Натаму агенцијата наведува: Во реакцијата на МАЕИ се истакнува дека станува збор за класична медиумска манипулација со цел замолчување на македонските активисти во Албанија. Во реакцијата се додава дека се напаѓаат директно претседателот на МАЕИ Васил Стерјовски, потпретседателот Ефтим Митрефски, како и членот на Централниот комитет Никола Ѓурѓај.

„Овие написи претставуваат продолжение на долгогодишната политика на Бугарија за негирање на македонската нација и македонскиот идентитет. Македонска алијанса за европска интеграција со години доследно се бори против агресивната политика на Бугарија во Албанија, насочена кон асимилација на македонското национално малцинство. Таквата политика, која користи методи од 19 век, е спротивна на европските вредности и основните човекови права“ – нагласува Македонска алијанса за европска интеграција.

Се нагласува дека реакциите на МАЕИ не се говор на омраза, ниту израз на нетрпеливост кон бугарскиот народ, туку „легитимна и демократска борба за заштита на македонскиот идентитет и правата на Македонците во Албанија“.

„Одбраната на сопствениот идентитет како Македонец не значи омраза кон Бугарите.“ – наведува МАЕИ во своето соопптение и најавува дека дека за изнесените манипулации и клевети ќе поднесе тужба за клевета пред бугарските судови против интернет-порталот „Буревесник.бг“ и новинарот Петар Стефанов.


 

Поврзани теми:

негирање на македонскиот идентитет|Бугарија|Македонци во Бугарија|асимилација|Македонска алијанса за европска интеграција

Повеќе на оваа тема:

Најнови вести од: Македонија

Литовски: Битолскиот одред „Пелистер“ разбиен на 3.5.1942 од бугарските окупатори, кои ја усмртија Елпида, влечејќи ја врзана за кола низ селата, за да ги заплашат Македонците!

На денешен ден, на 3 мај 1942 година, над селото Ореово, Битолско, Битолскиот народноослободителен партизански одред „Пелистер“ бил опкружен и разбиен од бугарската фашистичка окупаторска војска и полиција, откако преку предавство бил лоциран еден ден претходно. Оваа единица на НОВ и ПО на Македонија била формирана на 22 април 1942 г. од 19 борци. Во борбата загинаа народниот херој Елпида Караманди, која била тешко ранета, заробена и набрзо свирепо убиена, Димитар Николовски-Таќи Даскало, Димче Хаџи Поповски, Мара Јосифовска-Ѓурѓа, Ордан Михајловски-Оцката и Ордан Орданоски-Сандански. Сите биле борци на овој партизански одред. Ова го истакнува универзитетскиот професор и историчар д-р Александар Литовски од Институтот за национална историја од Скопје во својата научна статија со наслов „ 3.

„Скопје1.мк“: „Малолетници под дејство на алкохол со ножеви в рака тргнаа кон мене!“ – вознемирувачко сведоштво од автобус во Скопје

Празничен ден, пикник и детска радост, но за неколку минути сè се претворило во сцена на страв и насилство. Скопјанката Наташа Младеновска сведочи за инцидент во автобус од Водно кон центарот на Скопје, во кој учествувале малолетници, а ситуацијата ескалирала до вадење ножеви.

„МКД.мк“: Во Липково вчера се „славеше„ „слободна територија Карадак“ од конфликтот во 2001 година!

Во Липково вчера беше „прославен“ 2 мај, за општината познат како „Ден на прогласувањето на слободната зона Карадак“, Кумановско, и како Ден на општината. На својот фејсбук-профил пратеникот Ријад Шаќири од Алијансата на Албанците од колицијата Вреди, напиша дека заедно со градоначалникот Еркан Арифи (од ДУИ), општинските советници на гробиштата „оддадоа почит на мачениците кои ги положија своите животи во 2001 година“. Ова го објави информативниот портал „МКД.мк“

Али Ахмети го „прослави“ 2 мај, „Денот на прогласувањето на Карадак како зона ослободена од УЧК во 2001“ и порача: Тоа е и натаму „симбол на отпор“!

Лидерот на ДУИ Али Ахмети вчера го „прослави“ 2 мај „Денот на прогласувањето на Карадак како ослободена територија“ од страна на УЧК во 2001 година“, означувајќи го овој датум како „важен момент во новата историја“. „Во Слупчане е напишана една од најзначајните страници, а прогласувањето на Карадак како слободна зона е доказ за решителност за слобода, достоинство и еднаквост. Карадак и неговите жители остануваат симбол на отпор и единство за поправична иднина.“ – рече Ахмети. Со оваа своја порака тој отвори дилема: каков „симбол на отпор“, но и кон кого, продолжува да биде и денес ова „прогласување територија ослободена од борците на УЧК во мај 2001“?! Претседателот на ДУИ Ахмети „прославува“ и денес „25 години од прогласувањето слободна зона“ инаку на територијата на унитарната држава Македонија!
Сите вести од Македонија

Најнови вести

To top