Македонија

Пендаровски признава: Со Радев не може да се преговара

Една година по завршувањето на мандатот, поранешниот претседател Стево Пендаровски признава дека со шефот на бугарската држава Румен Радев не може да се преговара, бидејќи, според него, токму тој е творецот на тврдиот став на Бугарија кон Македонија. „Румен Радев е архитектот на бугарската блокада кон Македонија, кој тврдо ги застапува позициите на бугарскиот национализам од времето […]

Една година по завршувањето на мандатот, поранешниот претседател Стево Пендаровски признава дека со шефот на бугарската држава Румен Радев не може да се преговара, бидејќи, според него, токму тој е творецот на тврдиот став на Бугарија кон Македонија.

„Румен Радев е архитектот на бугарската блокада кон Македонија, кој тврдо ги застапува позициите на бугарскиот национализам од времето на комунизмот“, изјави Пендаровски во интервју за Дојче веле.

„(…) Сум имал многу разговори со него на меѓународни собири. Тој дојде и на мојата инаугурација во 2019 година и уште тогаш тврдо ги застапуваше позициите на бугарскиот национализам од времето на комунизмот. Тој човек ја натера владата да донесе своја декларација и во бугарскиот парламент, кој брои 250 пратеници, таа декларација беше изгласана со 204 гласови. Јас паметам тогаш коментирав дека таа декларација е донесена со севернокорејски процент“, објаснува тој.

„Тој човек беше иницијаторот на блокадата кон Македонија. Не може да очекувате од оној кој го направи проблемот, да го реши. Дури и со Каракачанов во таа влада на Борисов, тој не беше главниот. Главниот човек кој ја утврди таа патека беше Радев. Вие со него не можете со гледање опери или културни настани да издејствувате промена во тој став, затоа што тој човек верува во тоа што го направи и во тоа што ги натера сите други да веруваат во таа позиција“, вели Пендаровски.

Најнови вести од: Македонија

Следната година студентите ќе се вселат во комплетно реновиран студентски дом „Кузман Јосифоски – Питу“

Државниот студентски дом „Кузман Јосифовски – Питу“ е во процес на темелна реконструкција и се очекува на почетокот на следната календарска година објектот да биде целосно обновен, модерен и енергетски ефикасен. Денес увид во градежните работи извршија претседателот на Владата,  Христијан Мицкоски и министерката за образование и наука Весна Јаневска, кои посочија дека грижата за […]

ВМРО-ДПМНЕ ќе ја поддржи интерпелацијата за обвинителот Коцевски

ВМРО-ДПМНЕ ќе ја поддржи интерпелацијата, во интерес на принципите, граѓаните и правдата, изјави денеска Никола Мицевски, пратеник и координатор на Пратеничката група на ВМРО-ДПМНЕ и коалицијата „Твоја Македонија“. – Нема веќе простор за компромиси со неуспехот. Време е за одговорност. Сметаме дека дадената шанса за Љупчо Коцевски е веќе потрошена. Поддршката што тој ја доби […]

ВМРО-ДПМНЕ: Искрена ли е Бугарија кога вели дека не го оспорува македонскиот идентитет?

Ние Македонците немаме потреба од некакво признавање, затоа што добро знаеме кои сме и што сме, но, негирањето од страна на Бугарија е опасен преседан кој во темел ги поткопува основните човекови права.

To top