Македонија

Поранешни функционери на ФФМ заработија кривични пријави

Управниот одбор на ФФМ, по темелна постапка и сознанија од Одделот за интегритет, едногласно донесе одлука за суспензија на ОФС Охрид поради грубо кршење на Статутот и актите на Федерацијата.

2 минути за читање

СВР Охрид  поднесе кривична пријава против Цане Милошески (претседател на Општинскиот фудбалски сојуз Охрид – ОФС Охрид) и Никола Цветкоски (секретар на ОФС Охрид) за сторени две кривични дела: фалсификување исправа (член 378 од Кривичниот законик) и друго кривично дело по член 247 од КЗ.

Според пријавата, во текот на 2024 година двајцата во повеќе наврати внесувале неточни и нецелосни податоци во КОМЕТ-системот на Фудбалската федерација на Македонија (ФФМ) за натпревари кои воопшто не се одиграни, како и за лица кои наводно учествувале на тие натпревари, а не биле регистрирани како играчи или судии. Целта била ОФС Охрид да обезбеди свои претставници во органите на ФФМ.

Уште во мај 2025 година, Управниот одбор на ФФМ, по темелна постапка и сознанија од Одделот за интегритет, едногласно донесе одлука за суспензија на ОФС Охрид поради грубо кршење на Статутот и актите на Федерацијата.

Главните причини за суспензијата беа:

Изготвување и употреба на фиктивни записници од натпревари кои никогаш не се одиграни, а се заведени со конкретни резултати;
Во КОМЕТ-системот е заведено дури и лице починато пред повеќе години како учесник на тие натпревари;
Судии дале писмени изјави дека биле внесувани во записници без нивно знаење и согласност, односно воопшто не суделе, а некои од нив дури не се ниту судии;
Целосната „Б“ општинска лига во рамките на ОФС Охрид е измислена и не постои.

Со овие дејствија е нарушен интегритетот на натпреварувањето и довербата во работењето на сојузот.

ФФМ најави дека ќе поднесе дисциплинска пријава против Милошески и Цветкоски до соодветната дисциплинска комисија, со предлог за дополнителни мерки согласно Дисциплинскиот правилник и Статутот.

Цане Милошески и Никола Цветкоски се исклучени од фудбалската организација и им е забрането вршење на каква било функција поврзана со фудбалот.

Поврзани теми:

СВР Охрид|Цане Милошески|Никола Цветковски|актуелно|кривична пријава|ФФМ

Повеќе на оваа тема:

Најнови вести од: Македонија

Во клиниката за инфективни болести во Скопје двајца пациенти со западнонилска треска се во критична состојба

Двајца пациенти на возраст од 76 и 66 години од седумте хоспитализирани на Клиниката за инфективни болести со западнонилска треска, се во критична состојба и се на механичка вентилација на одделот за интензивно лекување, изјави попладнево директорот на Клиниката, Фадил Цана, кој рече дека дополнително за уште тројца пациенти, кои се примени со дијагноза акутно заболување на мозокот и мозочната обвивка, во текот на денов се чекаат лабораториските резултати од Институтот за јавно здравје.

Митева: На 16 јули во Струмица ќе настапат најголемите уметници во електронската музика Пол ван Дајк и Пол Окенфолд!

Двајца од најголемите и највлијателни уметници во електронската музика Пол ван Дајк и Пол Оукенфолд ќе настапат во Струмица на 16 август во Градскиот парк, како дел од манифестацијата „35 години независност на Македонија“. Оваа манифестација започнува на 2 август – Илинден во Битола, а завршува на 8 септември во Скопје.

Турската кинематографија во фокусот на Beach Film Festival Ohrid

Учеството на Република Туркије како земја во фокус на деветтото издание на Beach Film Festival Ohrid уште еднаш ја потврди важноста на филмот како мост за културна соработка, меѓународно поврзување и промоција на културното и туристичкото богатство на Туркије.

За завршување и целосно опремување на новата Клиничка болница во Штип – 109 милиони евра

Завршувањето и целосното опремување на новата Клиничка болница во Штип, инвестиција проценета на околу 109 милиони евра, беше тема на денешната средба меѓу министерот за здравство Сашо Клековски, директорот на Фондот за здравствено осигурување Златко Перински, градоначалникот на Штип Иван Јорданов, раководството на Клиничката болница и претставници на Светската банка.

Меморандум за соработка меѓу „Македонски Шуми” и КПУ „Затвор” – Струмица: Осуденици ќе бидат ангажирани во шумарски активности

Јавното претпријатие „Македонски шуми“ и Казнено-поправната установа „Затвор“ – Струмица потпишаа меморандум за меѓусебна соработка, со кој ќе се зајакне координацијата меѓу двете институции преку ангажман на осудени лица во општокорисна работа. Претходно, од 16 до 22 јули осуденици од КПД „Идризово“, КПД Штип, КПД Прилеп, како и од КПУ Скопје, Куманово, Битола, Гевгелија, Струмица и Струга, учествуваа во седумдневна работна акција за одржување на хигиената на магистралните и регионалните патишта низ Македонија.
Сите вести од Македонија

Најнови вести

To top