Во изминатите 48 часа, на Гинеколошко-акушерското одделение на кочанската општа болница се породиле 7 мајки.
Тие на свет донеле 4 машки и 3 женски бебиња кои што се во добра здравствена состојба.
Од Општата болница во Кочани велат дека се надеваат оти позитивниот тренд ќе продолжи и во периодот што следи, со што ќе има сè повеќе породувања во Кочани.
,,Ова е една позитивна вест. Во последните два дена имавме седум породувања по природен пат-четири машки и три женски бебиња. Се надеваме дека ваквиот тренд ќе продолжи и понатаму и дека ќе има што повеќе породувања”, вели директорката на Општата болница во Кочани, Катерина Паниќ Мирчовска.