Претседателката на Република Македонија Гордана Сиљановска-Давкова ќе престојува денес во работна посета на Црна Гора и ќе учествува на Балканскиот форум за интеграција 2025, којшто се одржува во Подгорица во организација на Европското движење во Црна Гора и Министерството за надворешни работи и меѓународна соработка на Италија.
Во средиштето на вниманието на Балканскиот форум за интеграција се геополитичките предизвици во светот, ЕУ и регионот на Западен Балкан, како и клучните области во евроинтегративниот процес: основните човекови слободи и права, владеењето на правото, доброто управување, безбедноста, борбата против корупцијата и организираниот криминал.
Покрај државни функционери од регионот, во Форумот ќе учествуваат истакнати експерти за европски интеграции и претставници од бизнис-секторот.