Откако пред неколку дена го осуди антиалбанското скандирање на навивачката група Кумани за време на кошаркарскиот меч Македонија – Романија претседателката Гордана Сиљановска Давкова со критика и за вчерашниот национализам на навивачката група ,,Балисти” на мечот на Шкендија со Карабах од Азербејџан.
За шефицата на државата се работи за ,,Ненаучена лекција” и од навивачите и од политичарите кои покажуваат двојни стандарди пжво вакви ситуации.
,,Сеопштата осуда на навивачкиот примитивизам на сите ни влеа надеж за цврста решеност за справување со овој неспортски феномен.
Просветителски звучеа апелите за ставање крај на националистичките и шовинистички повици од трибините.
Но, вчерашните сцени од меѓународниот натпревар Шкендија – Карабах беа реприза на кумановската трагична приказна”, порачува Сиљановска Давкова според која хипокризија и цинизам е селективното реагирање на неспортскиот вандализам.
За разлика од неа и од премиерот Мицкоски кои веднаш го осудија национализмот на навивачката група Кумани лидерите на албанските политички партии молчат за шовинизмот на Балистите.
,,Само со заедничка доследна и бескомпромисна битка со шовинистичките изблици, без оглед чии се, ќе градиме здраво општество”, пишува Сиљановска Давкова.
Операцијата за идентификување на навивачите кои шират национализам и говор на омраза ја води обвинителството кое ги гледа снимките со луѓето што бараат распарчување на Македонија