Единицата за економски криминал при Министерството за внатрешни работи попладне одзела дополнителна документација и лишила од слобода две лица, меѓу кои директорот на Јавното претпријатие „Комунална хигиена“ во Скопје, Сабахудин Рустеми, кои се сомничат за непостапување во врска со акумулацијата на ѓубре во градот. Попладнево се очекува да се поднесе кривична пријава пред надлежното Основно јавно обвинителство.
Сабахудин Рустеми е поставен за директор на „Комунална хигиена“ на 29 јануари 2025 година, во рамките на коалицијата меѓу градоначалничката Данела Арсовска и Демократската унија за интеграција (ДУИ). Тој важи за кадар близок до Блерим Беџети, со претходно искуство како директор на Јавното комунално претпријатие „Сарај“ од 2017 до 2021 година, а потоа, во соработка со Арсовска, од 2023 до 2024 година бил помошник-директор во ЈП „Паркови и зеленило“ Скопје.
Рустеми е познат во јавноста по неговите ставови кои шират национална омраза. За време на неговото директорување, „Комунална хигиена“ достигна врв на хаосот, со намерно оставање на ѓубре по улиците на Скопје, што се засили пред и за време на кампањата за локалните избори, загрозувајќи го здравјето на граѓаните. Медиумите известуваа дека Рустеми редовно се појавувал на работа, земал плата, но игнорирал постоењето на проблемот со сметот.
Покрај скандалот со акумулацијата на ѓубре, Рустеми го следи и истрагата за финансиите на претпријатието. Според обвинувањата, милиони евра се испумпуваат, додека претпријатието останува нефункционално поради наводна нефункционалност на возилата, што дополнително ја отежнувало ситуацијата во градот.