Пронајдени се лицата по објавената снимка на социјалните мрежи на 30.09.2025 година на булеварот „Партизански Одреди“ во Скопје на која гледа како се движи патничко возило „голф“ со скопски регистарски ознаки при што на покривот од возилото се вози лице кое ја загрозува сопствената безбедност и безбедноста на другите учесници во сообраќајот.
Полициски службеници од СВР Скопје го пронашле возилото, лицето кое го управувало со иницијали С.Ф. како и лицето А.И. кое бил на покривот на возилото.
За А.И. преземена е мерка по чл.165 став 2 од Законот за безбедност на патиштата, извести МВР.
Од извршената проверка утврдено е дека С.Ф го управувал возилото со измината важност на сообраќајната дозвола и за истото преземена е мерка по чл.26 став 10 од Законот за возила.