Македонија

Засилена акција за пронаоѓање на исчезнатата Злата (ВИДЕО)

Злата Јанкова исчезна на 16 јуни 2024 година околу 15 часот, по што ѝ се губи секаква трага. И покрај поминатото време, потрагата сè уште трае

1 минута за читање

Засилено полициско присуство и употреба на дронови денеска се забележани во село Орел, општина Свети Николе, каде се врши пребарување на бунар во близина на викенд-куќи, во рамки на потрагата по исчезнатата Злата Јанкова, ппренесува „Скопје 1.

Сопругот на исчезнатата, Дејан Јанков, смета дека акцијата се одвива во непосредна близина на нивната викендица, но дека нема официјални информации од надлежните.

„Врие од полиција, се пребарува бунарот, летаат дронови, но никој ништо не ми кажува. Мислам дека ја бараат Злата“, изјави Јанков.

Тој посочува дека истиот терен бил пребаруван и претходно, но без резултати.

Злата Јанкова исчезна на 16 јуни 2024 година околу 15 часот, по што ѝ се губи секаква трага. И покрај поминатото време, потрагата сè уште трае, а случајот останува без разрешница. 

Јанков претходно штрајкуваше со глад 19 дена со цел да го привлече вниманието на јавноста кон случајот, а најавува и нов штрајк доколку не добие одговори за судбината на неговата сопруга.

На социјалните мрежи и понатаму се споделуваат апели до граѓаните да пријават било какви информации во Министерството за внатрешни работи.

Поврзани теми:

Злата|исчезната|избор|полиција|штрајк|сопруг

Повеќе на оваа тема:

Најнови вести од: Македонија

Мицкоски: Ако не се свртиме кон семејните вредности и многудетните семејства економијата ќе биде на удар

Ако не се свртиме кон семејните вредности и кон многудетните семејства и ако тие вредности не ги промовираме, македонската економија ќе биде прва која што ќе биде на удар, истакна денеска премиерот Христијан Мицкоски, коментирајќи ја изјавата на вицепремиерот и министер за транспорт, Александар Николоски дека до 2030 година годишно ни се потребни 50.000 странски работници, за да го држиме нивото на БДП што го имаме сега.

ОКТА продолжува со попуст од два денари по литар дизел гориво

Како одговор на најновите случувања на меѓународните пазари на горива, ОКТА АД – Скопје воведува привремен попуст од 2 денари по литар дизел гориво, со важност од денеска, 20 октомври 2026, до 2 ноември 2026 г.

(Фото): Работна средба за инфраструктурните приоритети на Карпош

Градоначалникот на Општина Карпош, Сотир Лукровски, се сретна со ресорниот министер за транспорт, Александар Николоски, каде беа разгледани тековните инфраструктурни проекти и можностите за нови инвестиции во интерес на граѓаните.

Мицкоски: Усниот дел од правосудниот испит треба да се полага единствено на македонски јазик

Писмениот дел од правосудниот испит да се полага на јазикот на кој е завршено високото образование, а усниот на македонски јазик. Ова е ставот на македонската Влада, кој денеска го соопшти премиерот Христијан Мицкоски, по вчерашното одбивање на ваквиот предлог од студентите Албанци, на средбата со министерот за правда, Јетон Шасивари.

Клековски: Со бугарската министерка се согласивме дека случајот со Ива е правно, а не здравствено прашање

Македонскиот министер за здравство Сашо Клековски изјави дека за време на средбата со бугарската министерка за здравство во Софија била постигната премолчена согласност дека случајот со Ива Михаилова не е прашање од областа на здравството, туку од надлежност на правосудните институции.

Се разгледуваат две локации за новиот Клинички центар во Скопје – вложувања во здравствени објекти во Штип, Тетово и Кичево

Две локации во близина на болницата „8 Септември“ се разгледуваат за изградба на новиот клинички центар во Скопје, а преговорите за изборот на парцелата треба да завршат до крајот на годинава, најави премиерот Христијан Мицкоски. Истовремено, Владата подготвува инвестиции во три здравствени објекти во Штип, Тетово и Кичево, при што реализацијата на првиот проект би можела да започне во летото 2027 година.
Сите вести од Македонија

Најнови вести

To top