Припадници на Министерството за внатрешни работи се во активна потрага по непознатиот напаѓач, кој денеска среде бел ден подметнал пожар на возила на бугарската амбасада во центарот на Скопје. Сѐ уште непознатиот млад човек полил и запалил едно возило „сузуки витара“, а пожарот го зафатил и соседното возило, сопственост на амбасадата на Бугарија во Македонија, по што се дал во бегство.
Огнот бил за кратко време изгаснат од вработените во обезбедувањето на Амбасадата.
Силни полициски екипи го обезбедуваат просторот околу бугарската амбасада во центарот на Скопје, додека други полициски единици и безбедносни органи се во потера по подметнувачот на пожарот.
Засега нема дополнителни информации од Министерството за внатрешни работи.
