Македонија

Сиљановска Давкова – Милатовиќ: Традиционално пријателство, меѓусебна поддршка и заедничкa цел за членство во ЕУ

Претседателката на Република Македонија Гордана Сиљановска-Давкова на денешната средба со претседателот на Црна Гора Јаков Милатовиќ нагласи дека сѐ додека од нас ќе се бара исполнување дополнителни услови надвор од Копенхагенските критериуми ќе постои опасност да не се почитуваат основните вредности и принципи на ЕУ, без кои ЕУ се сведува на политичка и бирократска машинерија.

1 минута за читање

„Традиционално пријателство, меѓусебна поддршка и разбирање, како и заедничка стратегиска цел за членство во ЕУ ги карактеризираат македонско-црногорските односи.“ – ова е заклучокот од денешната средба на претседателката на Република Македонија Гордана Сиљановска-Давкова и претседателот на Црна Гора Јаков Милатовиќ во Цетиње. Претседателите разговараа за европската перспектива на Западниот Балкан, предизвиците со кои се соочува секоја од земјите на интегративниот пат, како и за можностите за нивно надминување.

Посочувајќи дека Црна Гора е земја-предводник во преговарачкиот процес со ЕУ, Милатовиќ изрази силна поддршка за секој направен исчекор во македонските интеграции. Денешното заедничко учество на Балканскиот форум за интеграција 2025, за него е препознавање на европскиот интерес за регионот и одлична можност за споделување на искуствата.

Како поборничка на регионалниот пристап во евроинтеграциите преку меѓусебна соработка и поддршка македонската претседателка Сиљановска-Давкова ја нагласи важноста да се градат добрососедски односи со отворен и искрен дијалог преку избегнување на ветото. 

На средбата Сиљановска-Давкова упати покана за возвратна официјална посета на Милатовиќ на Република Македонија. Тој ја прифати со задоволство.

Двајцата претседатели го посетија Музејот на Крал Никола во Цетиње.

Поврзани теми:

Претседателка на Република Македонија Гордана Сиљановска-Давкова|Претседател на Република Црна Гора Јаков Милатовиќ|топ|актуелно|избор|еу

Повеќе на оваа тема:

Најнови вести од: Македонија

Мицкоски: Ако не се свртиме кон семејните вредности и многудетните семејства економијата ќе биде на удар

Ако не се свртиме кон семејните вредности и кон многудетните семејства и ако тие вредности не ги промовираме, македонската економија ќе биде прва која што ќе биде на удар, истакна денеска премиерот Христијан Мицкоски, коментирајќи ја изјавата на вицепремиерот и министер за транспорт, Александар Николоски дека до 2030 година годишно ни се потребни 50.000 странски работници, за да го држиме нивото на БДП што го имаме сега.

ОКТА продолжува со попуст од два денари по литар дизел гориво

Како одговор на најновите случувања на меѓународните пазари на горива, ОКТА АД – Скопје воведува привремен попуст од 2 денари по литар дизел гориво, со важност од денеска, 20 октомври 2026, до 2 ноември 2026 г.

(Фото): Работна средба за инфраструктурните приоритети на Карпош

Градоначалникот на Општина Карпош, Сотир Лукровски, се сретна со ресорниот министер за транспорт, Александар Николоски, каде беа разгледани тековните инфраструктурни проекти и можностите за нови инвестиции во интерес на граѓаните.

Мицкоски: Усниот дел од правосудниот испит треба да се полага единствено на македонски јазик

Писмениот дел од правосудниот испит да се полага на јазикот на кој е завршено високото образование, а усниот на македонски јазик. Ова е ставот на македонската Влада, кој денеска го соопшти премиерот Христијан Мицкоски, по вчерашното одбивање на ваквиот предлог од студентите Албанци, на средбата со министерот за правда, Јетон Шасивари.

Клековски: Со бугарската министерка се согласивме дека случајот со Ива е правно, а не здравствено прашање

Македонскиот министер за здравство Сашо Клековски изјави дека за време на средбата со бугарската министерка за здравство во Софија била постигната премолчена согласност дека случајот со Ива Михаилова не е прашање од областа на здравството, туку од надлежност на правосудните институции.

Се разгледуваат две локации за новиот Клинички центар во Скопје – вложувања во здравствени објекти во Штип, Тетово и Кичево

Две локации во близина на болницата „8 Септември“ се разгледуваат за изградба на новиот клинички центар во Скопје, а преговорите за изборот на парцелата треба да завршат до крајот на годинава, најави премиерот Христијан Мицкоски. Истовремено, Владата подготвува инвестиции во три здравствени објекти во Штип, Тетово и Кичево, при што реализацијата на првиот проект би можела да започне во летото 2027 година.
Сите вести од Македонија

Најнови вести

To top