Македонија

Скандалозно писание на Буџови: „Илинденското“ востание ги штитеше бугарските интереси и беше во спротивност со проектот за создавање обединета Албанија?!

„Илинденското’ востание ги штитеше бугарските интереси. Тоа беше во спротивност со интересите на албанското национално движење и барањата на ‘Албанската Призренска лига’ и ‘Лигата од Пеќ’ за создавање обединета Албанија.“ – ова го наведува косовскиот историчар Јусуф Буџови во неговото противмакедонско писание во вид на некаква колумна. Toa беше објавено „пригодно“ нималку случајно токму вчера, на 2 август, на денот кога македонскиот народ го слави Илинденското востание, еден од најголемите државотворни празници во својата национална и политичка историја. Овие скандалозни наводи на Буџови се не само негов обид да се понижат македонскиот народ и македонската револуционерна борба за слобода, туку и намера да се прикажат како бугарски македонската историја и Илинденското востание – ставови на иста линија како и ставовите на официјална Софија.

2 минути за читање

Во тенденциозното и антимакедонско писание под наслов „Илинденското’ востание ги штитеше бугарските интереси“, објавено на порталот на весникот на албански јазик „Лајм“ од Скопје, натаму, покрај другото, косовскиот историчар изнесува: „Илинденското“ востание од 2 август 1903 година беше поттикнато од Бугарија и силно поддржано од Србија и Грција, бидејќи тие имаа интерес прашањето на Македонија да го изгуби третманот на албанско прашање, да стане прашање кое мораше да се реши преку распарчување на Македонија меѓу Бугарија, Србија и Грција. Не е случајно што Крушево – во вилаетот Манастир – (Битола – превед.заб.) беше избрано за да добие овој проект и етнички ‘легитимитет’ на ‘мешано население’, каде што православните Албанци и Власи се јавуваа како мнозинство.“

„Ова движење на ‘Илинден’, осмислено од руско-словенските интереси и некои други европски чинители под мотото ‘Македонија на Македонците’, не беше ниту проект ниту интерес на албанското национално движење во согласност со барањата на ‘Албанската Призренска лига’ и ‘Лигата на Пеќ’ за албанска автономија во рамките на Отоманската империја, која со четирите албански вилаети обединети во еден, ќе има облик на отоманска Албанија како мост кон европска Албанија.“

„Така наречениот ‘Крушевски манифест’ не постоел, туку бил измислен од Коминтерната на нејзиниот состанок во 1933 година, за да ги измами Албанците и другите во Македонија да не се спротивстават на раѓањето држава, во која ќе има малцинства. Институционалистичките историчари во Тирана, Приштина и во Скопјe треба да ги преиспитаат своите ставови за овој настан, така што тој ќе биде оценет во согласност со историската вистина, а не со специфичните политички конјунктури од тоа време.“ – наведува Јусуф Буџови во своето пробугарско писание, кое е негаторско кон Илинденското востание, кон македонскиот народ и македонската историја.

 

 

Поврзани теми:

намера за бугаризирање на Илинденското востание и македонската историја|топ|бугарски интереси|Илинденско востание|историчар Јусуф Буџови од Косово|Обединета Албанија|скандалозно противмакедонско писание

Повеќе на оваа тема:

Најнови вести од: Македонија

Туристички бум во Турција: Рекордни приходи од туризмот од 51,3 милијарди долари во првите девет месеци од годинава

Вкупниот број посетители во Турција во наведениот период достигнал 49,1 милион. Руската Федерација со 5,70 милиони посетители, Германија со 5,17 милиони и Обединетото Кралство со 3,20 милиони посетители останаа трите најголеми туристички пазари за земјата.

Ѓуров и Јотова бараат примена на „Францускиот предлог“, што е негирање на македонскиот јазик и Македонците, кои во 1890 бараа од Цариград негова употреба!

На 29 октомври во завршната дебата на Бугарската национална телевизија пред одржувањето на вториот круг на претседателските избори во Бугарија на 1 ноември 2026 година Андреј Ѓуров и Илијана Јотова, двата кандидата за претседател на Бугарија, го повторуваат барањето да се внесат Бугарите во уставот на Македонија. Едновремено тие бараат и „целосна примена“ на злогласниот „француски предлог“ и „Вториот протокол“, со кои во најдиректна смисла официјална Софија бара Македонија „да признае и да прифати“ дека „македонскиот народ и јазик имаат бугарски корени“. Јотова уште сево ова го нарекува „европска политика. И Ѓуров и Јотова се во жесток судир со реалноста и со историјата. На 30 октомври 1890 година Македонците од Охрид испраќаат официјална молба до Високата порта во Цариград. Во оваа молба, македонските првенци експлицитно бараат дозвола за основање македонски училишта во Охрид и околината, во кои наставата ќе се изведува на македонски јазик. Ова е еден од најважните документирани јавни прогласи од XIX век каде што јасно се дефинира засебноста и автентичноста на македонскиот јазик, независно од пропагандите на соседните држави.

(Фото+Видео): Нова авиолинија Скопје-Тиват, наскоро директно од Скопје до црногорското приморје

Станува збор за реализација на договореното при неговата претходна посета на Подгорица, нагласувајќи дека новото авиоповрзување ќе има значење за зголемување на размената меѓу двете држави.

Пријавете се на работилницата на „Реплек“ со Марко Пејчиновски: „РЕсет за внатрешна сила. РЕсет за добросостојба“

Овие иницијативи се надополнување на бројните активности што компанијата континуирано ги реализира за своите вработени во рамките на платформата РЕсет, со цел поттикнување здрави животни навики, личен развој и целокупна добросостојба.

Мицкоски: Очекувам победа на ВМРО ДПМНЕ во Брвеница! Да се гласа не за етнички поделби, туку за подобар живот во Македонија!

Денеска ќе имаме завршно обраќање пред жителите на Брвеница. ВМРО-ДПМНЕ во секоја кампања влегува со цел да победи, така и во оваа кампања во Брвеница, во вториот круг. Во првиот круг имавме најмногу гласови, речиси 3000, очекуваме тој број на гласови да го зголемиме. Очекувам победа на ВМРО-ДПМНЕ и Коалицијата – изјави денеска премиерот и лидер на владејачката македонска партија Христијан Мицкоски одговарајќи на новинарско прашање во однос на вториот круг за избор на градоначалник на општина Брвеница.

Тачи: Албанските партии треба да се договорат за документ за целосна политичка и територијална автономија на Албанците во Македонија!

Лидерот на ДПА, Мендух Тачи, меѓу другото, во емисијата „Дијалог“ на медиумската платформа на „Лајм“  зборуваше и за „потребата од постигнување договор меѓу албанските партии за одобрување на документот за целосна политичка и територијална автономија“.

Агатангел: ВМРО-ДПМНЕ ќе владее колку Тито, оваа Влада ја консолидира Македонија како држава и ги штити националните интереси!

Митрополитот Повардарски Агатангел изрази целосна поддршка за премиерот Христијан Мицкоски и актуелната Влада, оценувајќи дека државата е во сигурни раце, во интервју за телевизија „Алфа“, тој прогнозираше дека ВМРО-ДПМНЕ ќе остане на власт онолку долго колку што владеел Јосип Броз Тито.
Сите вести од Македонија

Најнови вести

To top