Собранието го усвои Законот за младински додаток со кој на младите лица до 23 години и вработени во производните области ќе им се исплаќа младински додаток од 3.000 денари. Пратениците дадоа поддршка и на Законот за изменување и дополнување на Законот за индустриски-зелени зони, со кој се врши усогласување со Законот за организација и работа на органите на државната управа (ЗОРОДУ). Со измените, како што беше образложено, се менуваат одредени термини од постојниот закон согласно новите законски решенија.
Собранието донесе Одлука за испраќање припадник на Армија на Македонија во меѓународната операција на Европска Унија „АЛТЕА“ во Босна и Херцеговина.
Собранието донесе заклучоци со кои констатира дека не се оправдани и дека нема потреба за автентично толкување на членови на неколку закони, по барања поднесени од пратениците Оливер Спасовски, Зоранчо Јованчев и Димитар Апасеиев, какои и неколку барања од градоначалникот на Општина Долнени.
Слична мерка постоеше и во изминатите години, но досега беше регулирана со законски решенија со ограничен рок на важност, кои периодично се продолжуваа. Со новиот закон, поддршката добива посистемско законско решение. Покрај Законот за младински додаток, пратениците ги усвоија и измените на Законот за индустриски-зелени зони. Со нив се врши усогласување со Законот за организација и работа на органите на државната управа, при што се менуваат дел од термините и надлежностите во постојниот закон.
Потпретседателот на Собранието, Антонијо Милошоски, информира дека собраниската седница продолжува.