Македонија

Сообраќајната статистика во Куманово бележи умерено подобрување, зголемен број санкции

Во текот на годината регистрирани 447 сообраќајни незгоди, за 4,7 проценти помалку од претходната. Најголем дел од незгодите се случиле во урбана средина

3 минути за читање

Умерено подобрување на состојбата на патниот сообраќај за една година бележи Полициската станица за безбедност на патниот сообраќај Куманово. Според извештајот на СВР Куманово во текот на 2025 година, полицијата континуирано спроведувала мерки и активности во согласност со законските надлежности, како и републички, локални и зајакнати акциски контроли, со цел унапредување на безбедноста на сите учесници во сообраќајот. Податоците укажуваат на умерено подобрување на состојбата во однос на вкупниот број сообраќајни незгоди.

Според евиденцијата, во 2025 година се регистрирани 447 сообраќајни незгоди, што претставува намалување од 4,7 проценти во однос на 2024 година кога биле евидентирани 469 незгоди. Од вкупниот број во 2025 година, 343 случаи биле решени со европски извештај меѓу учесниците, додека во претходната година вакви биле 367 незгоди.

Во однос на последиците, структурата на сообраќајните незгоди покажува намалување во речиси сите категории. Во 2025 година животот го загубиле седум лица, од кои двајца пешаци, тројца возачи на мопед и двајца возачи на моторни возила, додека немало загинати патници. Во 2024 година бројот на загинати бил повисок во дел од категориите. Евидентирани се 58 лица со тешки телесни повреди и 406 со телесни повреди, при што најголем дел од повредените се возачи и патници во патнички моторни возила, како и возачи на мопеди и мотоцикли. Пешаците се застапени во помал број.

Како најчести причини за сообраќајните незгоди се наведуваат непочитување на правилата за првенство на минување, неправилно движење по коловозната лента, недоволно растојание меѓу возилата и други фактори поврзани со однесувањето на возачите. Во помал број случаи како причини се посочуваат невнимание на пешаците, управување под дејство на алкохол и неправилно престигнување.

Анализата според местото на случување покажува дека најголем дел од незгодите, односно 305, се случиле во населени места, додека 142 се евидентирани на отворен пат. Оваа распределба укажува дека речиси две третини од сообраќајните незгоди се концентрирани во урбана средина, што се поврзува со зголемената фреквенција на моторни возила и сообраќајниот метеж во градските улици.

Во текот на 2025 година полицијата презела и низа репресивни и превентивни мерки. Издадени се 20.067 платни налози, што претставува зголемување во однос на 17.681 во 2024 година. Исклучени од сообраќај биле 606 возила и 3.369 возачи, додека биле извршени 9.307 алкотестирања. Во исто време, намален е бројот на одземени возачки дозволи поради алкохол и по административни решенија, како и бројот на одземени нерегистрирани возила.

Забележливо е и значително зголемување на евидентираните потешки прекршоци, кои во 2025 година изнесуваат 7.496, во споредба со 5.669 во претходната година. Во делот на прекршочните постапки поднесени се 218 барања за поведување постапка, од кои поголемиот дел се однесуваат на прекршувања на Законот за безбедност на сообраќајот на патиштата.

Во однос на кривичните дела против безбедноста на јавниот сообраќај, во 2025 година се регистрирани 166 случаи, што претставува пораст во споредба со 141 во 2024 година. Најголем дел од нив се однесуваат на загрозување на безбедноста на сообраќајот, додека се евидентирани и случаи на тешки дела против безбедноста на луѓето и имотот, неукажување помош на повредени лица и безобѕирно управување со моторно возило.

Податоците укажуваат дека, и покрај намалувањето на вкупниот број сообраќајни незгоди, предизвиците во одржувањето на сообраќајната безбедност остануваат, особено во урбаните средини и во делот на почитувањето на сообраќајните правила од страна на возачите.

Фото МИА

Поврзани теми:

топ|актуелно|казни|Куманово|статистика|сејф сити

Повеќе на оваа тема:

Најнови вести од: Македонија

Владата очекува горивата да поевтинат за 1,5 денар за литар

Согласно пресметките, се очекува дека Регулаторна комисија за енергетика ќе донесе одлука со која ќе се изврши дополнително намалување на малопродажните цени на нафтените деривати во просек за околу 1,5 денар по литар, соопшти Владата.

„Н.М“: Секоја грчка влада го попречуваше македонскиот пат кон ЕУ, давајќи пример како се тргува со европските вредности! – Сега тоа го прави Бугарија!

„Кога во јуни 2003 година на самитот на ЕУ и Западниот Балкан беше усвоена ‘Солунската агенда’, никој не претпоставуваше дека токму на тој собир, наместо отворање на вратите, ќе биде запечатена европската судбина на земјите од регионот. Освен Бугарија и Романија, кои влегоа со политичка одлука во 2007 година, како и Хрватска, која послужи како доказ дека процесот е наводно жив, ниедна друга земја не стана дел од ЕУ безмалку 20 години. Значителен дел од вината за оваа непроменета ситуација ја сносат токму создавачите на ‘Солунската агенда’. Грција со години ја блокираше Македонија, користејќи го спорот за името како инструмент за кочење, со што на другите членки на ЕУ им го ‘сервираше’ најопасното оружје: ветото како алатка за билатерални уцени. Сега, повторно официјална Атина се повикува на ‘Солунската агенда’“, обидувајќи се да се наметне како лидер на процесот што самата го минираше.“ – ова се нагласува во анализата со наслов „Оригиналниот ‘тројански коњ’ во евроинтеграциите е всушност – грчкиот“.

Скопскиот аеродром лидер во регионот со раст од 32%, од Владата очекуваат над 3,5 милиони патници годинава

Вицепремиерот вели дека оваа година се очекува да се надмине бројот од 3,5 милиони патници, а во следната година да достигне и до 4 милиони патници, што е резултат на актуелниот модел на привлекување на авиолинии.

„Вреди“: Џабе се „крокодилските солзи“, Џафери го запечати исклучувањето на албанскиот јазик од правосудниот испит! – Ќе го решиме проблемот

„ДУИ, која повеќе од 20 години имаше 5 министри за правда од своите редови, никогаш не го реши овој проблем: го изгласаа Законот за правосудниот испит, оставајќи денес стотици албански студенти да ги трпат последиците од една двојна неправда. Документот од 27 август 2019 година, потпишан од Талат Џафери, е јасен доказ дека проблемот околу полагањето на правосудниот испит не е случајност, туку последица на негрижа и политичко предавство.“ – соопшти коалицијата Вреди.

На денешен ден фашистичка Бугарија ја окупира Македонија, а денес и лидерот на Костадинов од „Преродба“ ја повторува истата теза од 1941 за „Македонија – втора бугарска држава на Балканот“!

На денешен ден, на 18 април 1941 година Бугарија со „благослов“ од фашистичкиот водач на Германија Адолф Хитлер Хитлер ја започна окупацијата на Македонија! На овој датум со одборение на Хитлеровата врховна команда единиците на Петтата бугарска армија, со Шестата и со Седмата пешадиска дивизија, ја започнаа воената окупација на Македонија. Бугарија настојува овој настан од нејзината историја наместо фашистичка окупација да го прикаже како „администрирање со Македонија“. Дали е случајно, или не, тоа што Костадин Костадинов, лидерот на бугарската крајнодесничарска партија „Преродба“ (Възраждане) вчера, на 17 април 2026 година, на еден ден пред 85-тата годишнина од почетокот на бугарската фашистичка окупација на Македонија, ја означи Македонија како „втора бугарска држава“ на Балканот, изнесувајќи ја заложбата на неговата партија за „интеграција на двете бугарски државни формации во една“?! Костадинов во предизборната програма негова и на неговата партија активно ја промовира скандалозната идеја за „обединување на Бугарија и Македонија“ – истата цел, поради која и Бугарија во Вората светска војна како фашистичка држава – членка на Хитлеровата нацистичка коалиција влегува на територијата на Македонија и ја окупира, под изговор дека „доаѓа да ја ослободи и да ја обедини кон мајка Бугарија“!

.

„Плус инфо“: Филипче е пак „уфилман“, го следел „приватен Мосад“! СДСМ тврди дека ВМРО-ДПМНЕ „ангажирала разузнавачка компанија за следење на опозицијата“!

„Станува збор за Black Cube, израелска приватна разузнавачка компанија, позната по следење, собирање информации, провокации и фабрикување афери против политички цели.“ – тврди СДСМ.
Сите вести од Македонија

Најнови вести

To top