Според најавата што ја објавува популарниот македонски пејач Спасен Сиљановски чешлање односно проверка на документацијата на ЗАМП ќе покаже криминални договори меѓу уредници и анонимуси.
Здружението за заштита на авторски музички права или скратено ЗАМП е организација која решава за исплата на авторски права за тие кои што создаваат музички дела кои се исполнуваат во јавноста.
Во медиумите и претходно дел од авторите давале изјави за постоење на индиции за криминал.
Сега популарниот Спасен вели дека софтверот кој треба да даде чесна распределба на парите за авторите воопшто не работи.
Според Силјановски сега парите од ЗАМП одат кај узурпатори кои се во договор со музички уредници.
,Наскоро ревизија во ЗАМП. Ке има добро “чешлање”
Службените органи конечно ќе прочешлаат како се делат и како се делеле парите од Македонските автори во изминативе 10 години.
Кога е набавен софтверот и зошто не се става во функција.
Криминални договори помеѓу музички уредници на национални телевизии и анонимни автори за “штампање” на тантиеми…..
….Полека, но клопчето мора да се отплетка. Ќе се запре конечно крадењето на Македонските автори.
….Тантиемите мора да појдат кај вистинските автори, а не кај одредена група узурпатори во ЗАМП”, пишува Силјановски.
Со оглед на тоа што сите угостителски објекти каде се изведуваат песни на автори и сите медиуми плаќаат на ЗАМП се работи за милионски суми кои според многумина не одат кај најизведуваните автори.