Неверојатно видео од безбедносни камери во хотел во Вашингтон се појави на социјалните мрежи, прикажувајќи необичен момент за време на инцидентот поврзан со претседателот на САД, Доналд Трамп.
Додека припадници на Тајната служба на САД реагирале и го евакуирале Трамп по истрелите во близина, на снимката се гледа како една гостинка мирно зема две шишиња вино од маса и се оддалечува.
Сцената предизвика бројни реакции на интернет, при што дел од корисниците ја оценија како апсурдна и шокантна, имајќи предвид дека се случува во момент на паника и безбедносна закана.
Засега нема официјални информации дали лицето е идентификувано или дали ќе се преземат мерки, јавува Премиерњуз.