„Амбасадорот на Република Албанија во Скопје, Денион Мејдани оствари вчера средба со претседателот на СДСМ Венко Филипче, во просториите на Албанската амбасада. Фокусот на разговорот беше на дијалогот насочен кон иднината, со посебна нагласка на политичката одговорност и потребата од зрелост и визија во предизвикувачките времиња за регионот.“ – објави информативниот портал на албански јазик „Алмакос“. Веста е заснована врз објавата на албанскиот амбасадор преку фејсбук. За оваа средба вчера не соопштија ништо ниту СДСМ на својата интернет-страница, ниту неговиот лидер Филипче на својот фејсбук-профил.
Во веста порталот дополнува: Преку фејсбук амбасадорот Мејдани објави дека средбата се одржала во „отворена и конструктивна атмосфера“, оти разговарале за „актуелните политички случувања во земјата, регионалните предизвици и економската состојба“, но и за „важноста на регионалната и европската интеграција како клучни чинители за стабилност и напредок“.