Како што информира Перински преку општествените мрежи, во разговорот биле претставени клучните приоритети на министерството за наредниот период, со нагласка на функционирањето на Ресурсниот центар како механизам за надминување на административните предизвици на локално ниво, за поттикнување на меѓуопштинската соработка и обезбедување порамномерен регионален развој.
Соговорниците размениле мислења и за зајакнување на системите за интегритет на локално и национално ниво, области во кои институциите соработуваат со Националниот демократски институт преку проектот „Заедници со интегритет“.
На средбата накратко било разговарано и за работната посета на Перински на Вашингтон и за одржаните состаноци во рамки на агендата. Перински оценил дека партнерството со САД претставува еден од клучните надворешнополитички приоритети и нагласил дека институциите остануваат посветени на негово понатамошно продлабочување.