Македонија

Судењето за финансиските злоупотеби на Клиниката за Онкологија почна – Обвинетите Васев и Нухи негираат вина

Судење за „Онкологија2“

Нино Васев и Нехат Нухи склучувале договори надвор од реалните потреби за Онкологија и ја злоупотребиле довербата од граѓаните и здравствениот систем со цел сопствено богатење. Обвинителството тврди дека тие наместо во интерес на клиниката и на онколошките пациенти, работеле во свој личен интерес и во интерес на приватни компании. Почна судењето за финансиските злоупотреби на Клиникатаза онкологија, обвинителсатвото ќе докажува дека за тоа одговорни се  двајцата поранешни директори. Васев и Нухи негираат вина.

Обвинителството ќе докаже дека со незаконски јавни набавки на лекови, без согласност на ФЗО и со злоупотреба на службената положба обвинетите предизвикале штета на Буџетот од над 2,2 милијарди денари. Со злоупотреба на системот на реверси, без правна основа довеле во заблуда државни институции и овозможиле противправна корист за повеќе фармацевтски компании. На тој начин ФЗО бил доведен во заблуда дека се работи за законски обврски.. При одобрувањето на терапиите Васев не зел предвид дека клиниката располага со доволна количина на лекови за пациентите. Дел од лековите не ги аплицирал на пациентите за кои биле наменети,  изјави Гоговска Јакимовска.

Васев и Нухи пред судот тврдат дека ќе докажат дека сите набавки на лекови ги правеле законски.

„Цел живот работам на клиниката за Онкологија и целта ми била да се спасат човечки животи. Економското вештачење е направено и потпишано од двајца медицински и економски директори на клиниката кои беа разрешени на мое барање“ рече Васев.

„Мојата невиност во случајот ќе произлезе од материјалните и вербалните докази кои ќе ги изведеме. Ќе се види какви пропусти направило Јавното обвинителство и зошто сите рокови во истрагата беа пробиени“ рече Нухи.

Во меѓувреме, во ќелијата во Шутка каде Васев издржува мерка притвор, биле пронајдени три телефони од затворските чувари. Судот добил известување за тоа, но ексдиректорот пред судијката Славица Наумовска Јосифовска тврдеше дека ниту еден не е негов.

-„Сакам да ве известам дека имаше повеќе контроли. Кај мене не е пронајден и не е одземен мој телефон“ – рече Васев.

Обвинителството Васев и Нухи, ги товари дека за злоупотреби, измама и проневера во службата од 2018 до 2022 година. Според обвинението, тие незаконски набавувале лекови, ги прикривале преку фиктивни тендери и присвојувале дел од терапијата, со што го оштетиле буџетот за речиси 36 милиони евра. Васев е обвинет и во друг предмет за несовесно лекување на пациенти на клиниката.

https://youtu.be/qlG2fOxVMCI

Најнови вести од: Македонија

Јовановски: На негирањата на македонската историја ќе одговориме со научна храброст и смиреност

„Од национални приказни до испреплетени истории“ е насловот на дводневната меѓународна конференција што ја организира Институтот за историја при Филозофскиот факултет на УКИМ по повод 80 години од неговото основање. Програмата опфаќа неколку пленарни и тематски сесии посветени на историските процеси, националните наративи, културните и дипломатските односи, како и на современите пристапи во историските истражувања. Учесниците ќе се претстават со реферати за историјата на Македонија од средновековниот период до современата државност, за односите на Балканот, османлискиот период, светските војни и меѓународните историски влијанија.

Светско признание за министерот Тошковски за „Безбеден град“ (ВИДЕО)

Наградата претставува меѓународно признание за проектот насочен кон подобрување на безбедноста во сообраќајот преку примена на современи технологии, автоматско регистрирање на сообраќајни прекршоци и дигитализација на постапките

Ахмети: Балканските криминалци соработуваат, но не и политичарите

„Трагедијата е во тоа што народите и политичарите кои ги претставуваат – и Македонците, и Албанците, и Србите – не успеваат да соработуваат за да изградат мирен Балкан и посигурна иднина за сите нас“, вели лидерот на ДУИ

To top