Зоран Шеќеров е визуелен уметник но од пред 30 дена со нова најважна функција на светот: татко на Илијана.
Илијана која денеска е облечена во стилот на комитите и Сирма Војвода го добила името во чест на големиот македонски празник Илинден.
Во чест на Илијана и Илинден Зоран Шеќеров го објавува едно од најубавите видеа во чест на празникот.
Видеото направено во чест на хероите кои го дале животот за слободна Македонија е снимено е на повеќе локации во Крушевско каде што пред 122 години се создале темелите на борбата која доведе до независна држава Македонија.
Зоран Шеќеров е еден од најдобрите македонски млади фотографи кој се занимава и со видео уметност име добитник на повеќе награди во земјата и пошироко.
,,Честит Илинден!
Од светите височини на Крушево, од оваа земја каде што слободата не е само збор, туку вечна должност и жртва, ви ја испраќам оваа лична честитка – со гордост, со љубов и со надеж.
Илинден не е само ден од календарот. Тој е сеќавање, завет, и светлина која ни го осветлува патот и во најтемните времиња. Тука, во Крушево сè уште одекнуваат чекорите на храбрите, гласовите на непокорните, и соништата на сите што се бореле за правда и достоинство.
Оваа година, Илинден за нас е посебен!
Оваа година, Илинден има ново значење, нов почеток.
Затоа што на 2 јули, светот доби едно ново име – Илијана Шекеров.
Моето дете. Мојата гордост. Моето сè”, раскажува таткото Зоран.
Видеото на Шеќеров
https://www.instagram.com/reel/DM2suuRInf4/?igsh=cWhqaDllN2kyaDV3