Претседателот на Комисијата на Агенцијата за електронски комуникации, Орце Симов, објави дека телекомуникациската кула на Водно е во „завршна фаза“. Заедно со неколку фотографии и видеа на својот Фејсбук профил.
Симов објави и неколку видео материјали.
Во еден од нив, Симов вели дека може да се види тестирањето на ротирачката платформа која вртела цел круг за околу еден час.
Телекомуникациската кула на Водно треба да биде висока 155 метри, што ја прави околу два и пол пати повисока од соседниот Милениумски крст.
Почна да се гради во 2013-та година, Идејата на проектот, како што беше најавено, е да се изгради посебен антенски систем за контрола на радиофрекфенции.
Но, покрај првичната функција, кулата беше замислено да има и друга намена – да биде магнет за туристи, атракција и ново обележје на градот.
