Македонија

Тешка сообраќајка со смртни последици на „Борис Трајковски” во Скопје

Се судрија „голф“ и „БМВ“, возачот на „голфот“ на место мртов, уште тројца се повредени

1 минута за читање

На булеварот Борис Трајковски во Скопје, вчера околу 23 часот, се судрија „фолксваген голф“ и „БМВ“, двете со скопски регистерски ознаки. „Голфот“ го управувал 56-годишниот С.Х. од Скопје, а „БМВ-то“ 28-годишниот Ф.П., исто така од Скопје.

Ударот бил толку силен што возачот на „голфот“ починал на самото место. Екипа на Итната медицинска помош само ја потврдила неговата смрт. Повредени се неговите сопатници – 52-годишната Н.Х., 24-годишната М.Р.А., двајцата од Скопје, како и 28-годишниот Ф.М. од Косово – а повреди добил и возачот на „бмв-то“. Сите биле пренесени во Градската општа болница „Св. Наум Охридски“ и во Комплексот клиники „Мајка Тереза“, каде што им биле констатирани телесни повреди.

На местото на несреќата работеше јавен обвинител заедно со полициски екипи. По негова наредба, телото на загинатиот е предадено на обдукција.

Поврзани теми:

мвр|актуелно|повредени|сообраќајка|обвинител|починат на лице место

Повеќе на оваа тема:

Најнови вести од: Македонија

Албанија во „експресниот воз“ на ЕУ – „нереформираната“ Македонија и по 20 години (зап)оставена на „споредните шини“

Албанскиот премиер Рама се пофали дека неговата земја го „постигнува невозможното“: „апсолутен рекорд во напредокот на европската интеграција“, како што кажа. Но може и Македонија да се „пофали“ со еден, исто така, „невозможен рекорд“, кој засега, или и воопшто нема да имаат шанса да го постигнат другите држави-кандидатки за влез во „елитниот европски клуб“: „дремење“ од дури 20 години во „европската чекалница“, сѐ затоа што, колку пати и да го менува уставот, не успева никако да се „реформира“ како што ќе побараат другите од неа.

Сиљановска-Давкова, покровителка на свечената академија по повод 100-годишнината на Планинарскиот клуб „Љуботен“

Честитајќи го овој значаен јубилеј, таа им изрази особена благодарност на многуте генерации членови на „Љуботен“ за докажаната љубов, почит и грижа за прекрасната Шар Планина и за природата

Петровска: Отсуството на дебата за претходните резултати придонесоа за сегашниот пораз

Пратеничката од СДСМ, Славјанка Петровска, во интервју за Радио Слободна Европа истакнува дека партијата не смее да го игнорира ниту да го заборави историскиот пораз на локалните избори, каде освои само 126.000 гласови и шест општини
Сите вести од Македонија

Најнови вести

To top