Директорот на „Македонски железници – Инфраструктура“, Синиша Ивановски, соопшти дека изутринава е успешно пробиен последниот (15-тиот) тунел од вкупно 15 на вториот дел од изградбата на железничката пруга кон Бугарија (делницата Бељаковце – Крива Паланка).
Пробивањето на тунелите претставува една од најспецифичните и најсложени градежни активности на проектот.
Со ова, најтешките сегменти се надминати, а Ивановски истакна дека иако моменталниот прогрес кај изведувачот не е целосно според очекувањата, се очекуваат месеци со поинтензивна оперативна активност и видлив напредок на терен.
Коридор 8 е од стратешко значење за Република Македонија, како и за НАТО, бидејќи овозможува поврзување на Јадранското со Црното Море преку модерна железничка инфраструктура.
Проектот сериозно се работи со цел целосно поврзување во регионот.
Ова е значаен чекор кон реализација на еден од клучните инфраструктурни проекти во земјата.