50-годишен маж со прострелни рани во пределот на градниот кош, без знаци на живот, бил донесен денеска нешто пред 11 часот во Градската Болница во Скопје.
Тој бил жртва на напад во пукањето што се случи утрово во селото Батинци.
„Денеска, околу 10:55 часот, во болницата е донесено машко лице, на возраст од 50 години, со рани во пределот на градниот кош. Веднаш беа преземени мерки за реанимација, но било констатирано дека тој е веќе починат“, изјавија од Градската општа болница за ТВ21.
Полицијата изврши увид на терен, а се работи на утврдување на идентитетот на сторителот и мотивите зад пукањето.