Во објава со наслов ,,МЕ ИЗЕДЕ ТУЃИОТ СРАМ!”, вицепремиерот Иван Стоиљковиќ одговара на нападите од СДСМ од каде го обвинуваат дека е офицер за врски со Српската напредна странка на Александар Вучиќ и Русија во владата на Мицкоски затоа што бил гостин на прославата на Денот на Република Српска?
,,Дали сега на сите им е јасна анти – ЕУ кампањата на владата на Мицкоски, намерната изолација за да продолжат криминалните тендери?„- прашуваат од СДСМ.
Во одговорот Стоиљковиќ објаснува дека на прославата учествувал од воведувањето на овој празник и дека таму имало и блиски луѓе на претседателот Трамп.
Во одговорот Стоиљковиќ на креативен начин ја опишува состојбата во која сега се наоѓа СДСМ сооред него: Лузери, безбожници, политички абортуси, извршители на идентитетски геноцид врз Македонците, збрлавена глутница на изгубени души кои бараат внимание.
,,Лауреатите на идентитетскиот геноцид врз својот народ и родената држава – кои народот се повеќе ги препознава како политички абортуси, а македонскиот народ како фабричка грешка во националниот код, збрлавена глутница на изгубени души собрани „еден од ваму, друг оттаму“ и втерани во некогаш, нели славниот СДСМ, исклучиво заради личните интереси на највалканиот меѓу нив, желни за ронка внимание од македонската јавност, особено онаа патриотската, денес мене (во последно време нивната омилена тема, Вучиќ, Србија, српскиот народ) ми се настрвија, божем заради тоа што на Денот на Свети Стефан присуствував на прославата на Денот на Република Српска во Бања Лука, што, впрочем, го правам откако е воведен овој празник, и тоа воопшто не ме поколеба во мојот став, никогаш и по никоја цена да не ги загрозам интересите на македонската држава и на македонскиот народ по кое било прашање, како политичар, а пред сè како човек, за разлика од некои други, туку да се борам за нив насекаде, вклучувајќи го и овој собир, на кој помеђу другите присуствуваа и Род Благојевиќ, еден од блиските соработници на американскиот претседател Доналд Трамп, Едвард Хусон, универзитетски професор и геополитички аналитичар, како и многу други светски познати интелектуалци”, пишува Стоиљковиќ кој ја разбира потребата на ,,лузерите малку да се стоплат на неговото родољубие, напаѓајќи го мојот народ и мене без причина.
Стоиљковиќ не го разбира безбожништвото со кое го прават тоа.
,,Но, веројатно е така кога Сонцето го гледате од Пеколот во кој самите сте се вовлекле и каде што не ви преостанува ништо друго освен да истурате салви гнасотии врз подобрите од себе и врз оние помили на народот. А што се однесува до придобивките од мојата посета на Бања Лука, цела Македонија има корист што видлива што невидлива од овие контакти вклучително и овие, кутри, мизерни , “Сироти мали (профитерски) хрчки”, пишува Стоиљковиќ.