Македонија

(Видео): Се влошува состојбата со пожарот во „Јасен“

Теренот во „Јасен“ е исклучително тежок за движење. На снимките што ги сподели ДЗС се гледа страотната глетка со опожарените и зачадени падини во „Јасен“ на прилично голема површина.

Состојбата со пожарот во повеќенаменското подрачје „Јасен“ попладнево почнала да се влошува, информираше директорот на Дирекцијата за заштита и спасување, Стојанче Ангелов. Причина за тоа е силниот ветер што почнал да дува во попладневните часови.

  • „Јачината на ветрот постепено се зголемуваше и ни предизвика голема непријатност затоа што пожарот се движеше со исклучително голема брзина горејќи ги боровите стебла, создавајќи висока температура и многу густ и црн чад што удираше на гребенот. Нашата цел беше да го одбраниме гребенот и да не му дозволиме на овој пожар да прескокне преку гребенот од страната на селото Брезница, односно од скопска страна. Во тоа успеавме по неколку жестоки битки бидејќи огнот на неколку моменти префрли од другата страна, но благодарение на храброста на вработените во ‘Јасен’, лично овде е и директорот, еден од раководителите, со поддршка од екипа пожарникари од Македонски Брод, успеавме да го запреме по самиот гребен, ги изгаснавме местата на кои огнот префрли од другата страна и ја стабилизиравме ситуацијата“, рече Ангелов.

Но, Ангелов додаде дека огнот и натаму се движи и создава многу чад што им предизвикува проблеми со дишењето на луѓето што се таму на терен.

– „На помош ни пристигнуваат пожарникари од Скопје, Велес и Куманово што ќе ги распоредиме на оваа линија. Истовремено поддршка добиваме од вработените од Општината Сопиште кои цело време вршат дотур на вода, покрај другите активности. Тука се и припадници на Единицата за брзо распоредување (ЕБР) на МВР“, вели Ангелов.

Тој нагласи дека теренот во „Јасен“ е исклучително тежок за движење. На снимките што ги сподели ДЗС се гледа страотната глетка со опожарените и зачадени падини во „Јасен“ на прилично голема површина. Се гледа и како силниот ветер придонесува за ширење на огнот со многу голема брзина.

Најнови вести од: Македонија

Мицкоски најави поевтини станови за брачни двојки помлади од 35 години

Без разлика во кој град и без разлика на кое место во Македонија, ниту една градежна компанија не може да добие дозвола за градба ако не оддели минимум 10 проценти станбена површина за брачни парови до 35 години, по цена која што ќе биде најмалку 20 проценти пониска од пазарната цена, најави премиерот Мицкоски.

Не се укинува вториот пензиски столб – законската одредба за 6%, се префрла во друг закон, рече министерот Велковски

Дали со предлогот за  бришење на членот 120, односно на одредбата за уплата на 6% во вториот пензиски столб власта ги доведува во ризик пензиските заштеди на повеќе од 650.000 граѓани кои се негови членови?!

Во Битола се одржа литија низ Широк Сокак со чудотворната икона на Пресвета Богородица Утешителка Паљурска

По Светата Литургија, чудотворната икона на Пресвета Богородица Утешителка Паљурска беше изнесена во свечена литија низ Широк Сокак, во која се вклучија свештениците, монашките заедници и бројните ходочесници. Со литијата заврши централниот дел од ходочестието во Битола.

Најнови вести

To top