Македонија

ВМРО-ДПМНЕ: Бугарија има јасна агенда за бришење на јазикот и идентитетот

Политиките на Заев и Филипче на ,, еден народ, две држави” и ,,Делчев е Бугарин” сега го земаа својот данок, се вели во соопштението на владејачката партија

Бугарија е разобличена пред Европа и светот, се потврди уште една неправда кон Македонија дека не станува збор за Бугарите во Уставот туку за идентитетот и македонскиот јазик, оценува ВМРО-ДПМНЕ

„Лагите на Заев дека ‘само уште името да го смениме и ќе влеземе во ЕУ’ како и уверувањата на Османи и Ковачевски дека ‘само уште Бугарите да ги внесеме во Устав и ќе влеземе во ЕУ’ потонаа во вода, се потврди тоа што ВМРО-ДПМНЕ го зборуваше постојано дека проблемот е поголем и се работи за идентитетот и јазикот.

Политиките на Заев и Филипче на ,, еден народ, две држави” и ,,Делчев е Бугарин” сега го земаа својот данок, се вели во соопштението на ВМРО-ДПМНЕ.

Бугарија е разобличена пред Европа и светот, на виделина излезе вистината за она што ВМРО-ДПМНЕ го тврдеше изминатите години, дека не се работи само за вметнување на бугарското малцинство во Уставот туку се работи за македонскиот јазик и идентитетот на македонскиот народ.

Европскиот парламент го усвои Извештајот за Македонија, но го избриша од него македонскиот идентитет и јазик. Целиот свет виде за македонските неправди  и во тоа 21 век. Македонија од 90-те до денес на патот кон ЕУ, направи многу отстапки, многу промени и претрпи многу понижувања.

Дополнително, огромен придонес во понижувањата кон Македонија и македонскиот народ  низ нашата историја имаат и домашните квислинзи, корумпирани политичари и  неодговорни лидери кои поради лукративни цели воопшто не водеа сметка за долгорочните цели и националните интереси на Македонија.

Бугарите конечно се разголени и изнесени на чистина дека не се работи за техникалии и бугарското малцинство во Уставот туку за суштината. За тоа знаеја и Бујар и Ковачевски и Заев, Филипче ,Маричиќ и сите останати кои сега се соочени со тоа.

Заев, Ковачевски, Османи и останатите и покрај тоа што знаеја за позадината на овие барања, прифатија се што им се стави на маса, само за ден подолго на власт а со тоа и дадоа инструмент во рацете на Бугарија за блокада и вето кон ЕУ интеграциите.

Заев, Османи, Ковачевски знаеја дека активностите и дејствијата на Бугарија се со јасна агенда и план да ја уништат Македонија.

Она што е важно е што ќе остане запишано во историјата за прв пат во независна Македонија, дека европскиот извештај со македонски идентитет и македонски јазик помина на АФЕТ, на комитетот за надворешна политика при европскиот парламент и пред да се донесе оној срамен амандман, се најде на масата на сите европратеници коишто гласаа во рамките на Европскиот парламент.

ВМРО-ДПМНЕ нема да дозволи нови предавства и отстапки од македонските национални интереси. Неопходно е национално единство по клучните прашања за државата вклучувајќи ги сите политички актери и општествени чинители„ се вели во соопштението.

Најнови вести од: Македонија

Како Јакимовски стана сопственик на две парцели за една година?

Марија Митева од Извршниот комитет на ВМРО-ДПМНЕ постави низа сериозни, јавни и суштински прашања што бараат итни и транспарентни одговори од градоначалникот на општина Карпош во заминување, Стевчо Јакимовски

Вработените од „Паркови и зеленило“ пак најавуваат блокада на крстосница на „Илинденска“

Тие веќе 14 дена немаат плата за септември, а не им се исплаќа и јубилејна награда, регрес за годишен одмор, отпремнина пред одење во пензија и новогодишен додаток. Најавуваат дека протестот ќе трае секој ден, од 9 до 11 часот, на крстосницата на „Илинденска“ и улицата „Никола Тесла“

Андоновски: Дигитализацијата е мост кон одржлива енергетска иднина

Министерот за дигитална трансформација, Стефан Андоновски, се обрати на сесијата „Дигитализација на енергетските системи – Забрзување на дејствијата преку координација и иновации“ во рамките на 14. Меѓународен форум за енергија за одржлив развој, што се одржува во Скопје.

To top