ВМРО-ДПМНЕ е мојата матична партија — партија на која и го посветив поголемиот дел од својот живот, уште од времето на осамостојувањето па се до денес.
Сметам дека најдобрата одлука, во интерес на моите сограѓани, е да се повлечам од оваа изборна трка, објави Војнески на Фејсбук претпладнево.
Во објавата вели дека ги разбира сите оние кои, поради различни причини, ги поделија своите гласови дури и во рамките на семејствата, и не би сакал дополнително да ги продлабочувам тие теми.
„Свесен сум дека оваа моја одлука за многумина ќе биде изненадување, но верувајте – ова е најдоброто нешто што можев да го направам за граѓаните на нашата Општина во овој момент.
Секогаш ќе бидам достапен за граѓаните и ќе се обидам да помогнам колку што можам. Вашата поддршка никогаш нема да биде заборавена“ , напиша Војнески кој влезе во трка како независен кандидат.
Во првиот изборен круг, тВојнески 705 гласа или 20,38 проценти или двојно помалку од кандидатот на ВМРО-ДПМНЕ, Жарко Ристески, кој освои најмногу гласови — 1.539, односно 44,49 отсто.
