Македонија

Во детската клиника во Скопје победничкото ѕвонче силно ѕвонеше за Ана: малата хероина победи во најтешката животна битка! (Видео)

Во Клиниката за детски болести секојдневно се водат најтешките битки – битки што ниту едно дете не заслужува да ги води, а ниту еден родител никогаш не би посакал да ги доживее. Таму се лекуваат најмалите херои, дечиња кои, наместо да мислат на игра, училиште и безгрижно детство, покажуваат неверојатна сила, храброст и надеж. Но, токму на ова место се раѓаат и најубавите победи. Во изминатата година многу мали борци ѕвонеа на најомиленото и најпосакуваното ѕвонче на Клиниката – победничкото ѕвоно, чиј звук носи порака дека една тешка животна битка е добиена. Вчера тоа ѕвонче силно одекна за хероината Ана.

1 минута за читање

Со звукот на победничкото ѕвоно Ана одбележа една од најголемите победи во својот живот. Храбро, достоинствено и со насмевка ја помина тешката борба, покажувајќи дека и најмалите срца можат да бидат најголемите херои.

„Нова радосна вест од Клиника за детски болести. Победничкото ѕвонче повторно силно звонеше за да слушнат сите дека нашaта хероина АНА храбро ја помина и ја освои тешката битка. На АНА и посакуваме многу здравје и среќно и безгрижно детство!“, напишаа од Клиниката за детски болести. Нека звукот на ова ѕвонче уште многупати одекнува низ ходниците на Клиниката, носејќи нови победи и нови надежи за сите мали борци.

„Женски магазин“

Видео

Поврзани теми:

топ|Клиника за детски болести во Скопје|победничкото ѕвонче за Ана|добиена најтешката|животна битка

Најнови вести од: Македонија

Утринава нови долги колони на возила и хаос на граничниот премин Евзони: чекање и повеќе од 4 часа за влез во Грција!

Утрово повторно се создадоа долги колони на возила на граничниот премин Евзони, при влез во Грција, каде што гужвите значително се зголемуваат со почетокот на викендот и летната туристичка сезона. Според информации од самото место, меѓуграничниот простор на преминот е речиси целосно исполнет, а возилата чекаат и повеќе од 4 часа за да ја преминат границата.

Денес Тошковски ќе даде отчет за сработеното во изминатите две години, откако пред три дена пропадна третата интерпелација против него

Министерот за внатрешни работи Панче Тошковски денеска ќе даде отчет за сработеното во изминатите две години. Настанот, како што информираат од Министерството за внатрешни работи, ќе се одржи во Центарот за обука во Идризово со почеток во 9 часот.

Нов систем на плати, вработувања и одговорност – Собранието ги донесе законите за судска и јавнообвинителска служба

Пратениците во Собранието ги изгласаа законите за судска и јавнообвинителска служба. Со 61 глас „за“ и 12 „против“ се донесе законот за судска служба.

Скандал во психијатриската болница „Демир Хисар“ – криминалци го злоупотребиле системот

Дури 20 осуденици за кривични дела, кои се наоѓаат во психијатриската болница Демир Хисар, не се со психичка болест, туку се здрави и пресметливи, но таму завршиле изигрувајќи го системот и судовите преку коруптивни вештачења за наводно нарушено здравје, констатирал Народниот правобранител.
Сите вести од Македонија

Најнови вести

To top