Македонија

Во Прилепската болница проневерени биле речиси 43 милиони денари – ОЈО сомничи 25 луѓе и 7 фирми

Сомнителни се набавките за сервисирање возила, чистење простории, реконструкција на инфективното одделение, физичко обезбедување и други услуги

2 минути за читање

Основното јавно обвинителство во Прилеп отвори истрага против 16 физички и 7 правни лица, по поднесена кривична пријава од Управата за финансиска полиција. Дополнително, уште 9 лица се осомничени за дела што ќе се гонат во скратена постапка.

Осомничените се товарат за серија злоупотреби во постапки за јавни набавки во ЈЗУ Општа болница со проширена дејност – Прилеп „Борка Талески“. Според обвинителството, постои основано сомнение дека тие, како соизвршители, свесно ги прекршиле прописите за јавни набавки со цел да извлечат значителна имотна корист или да нанесат штета на установата.

Делата за кои се товарат се „Злоупотреба на постапката за јавен повик, доделување на договор за јавна набавка или јавно-приватно партнерство“ според член 275-в од Кривичниот законик, како и „Проневера во службата“ од член 354. За некои од осомничените се испитуваат и дејствија поврзани со несовесно работење, злоупотреба на службена положба и овластување, како и фалсификување или уништување деловни книги.

Меѓу осомничените се поранешната директорка, раководители и други вработени во болницата, како и управители на неколку компании. Според наодите на Државниот завод за ревизија, преку сомнителни набавки за сервисирање возила, чистење простории, реконструкција на инфективното одделение, физичко обезбедување и други услуги, била предизвикана штета од речиси 43 милиони денари.

Обвинителството до судијата на претходна постапка достави предлог за притвор за шестмина осомничени, додека за останатите 19 лица се предложени мерки на претпазливост.

Поврзани теми:

милиони денари|сомничи|директори|актуелно|евра|пари|фирми|проневера|осомничени|прилепска болница

Повеќе на оваа тема:

Најнови вести од: Македонија

Во ЕУ расте бројот на лица, што живеат сами! – Во Германија од 41 милион домаќинства дури 42 отсто биле едночлени лани!

Во Европската Унија минатата година 16,5 проценти од населението живеело во едночлени домаќинства, а најголем удел на лицата кои живеат сами е регистриран во скандинавските и во балтичките земји, покажуваат податоците на европската статистичка агенција Евростат. Над европскиот просек е и Германија, каде што секој петти жител, односно 20,9 проценти од вкупно околу 84 милиони жители, живеел сам, соопшти германскиот Сојузен завод за статистика „Дестатис“.

Сиљановска-Давкова: Струшките вечери на поезијата веќе 65 години ги поврзуваат светските меридијани, a Струга е најпоетскиот град на планетава

Струшките вечери на поезијата, поетски дом, кој веќе 65 лета поврзува меридијани, го соединува и обединува светскиот поетски сој со љубителите и почитувачите на убавата реч во старата, но витална Струшка бунтовна република на поетите, кои се борат за подобар и похуман живот. Шест и пол децении сме благословени да бидеме домаќини на мајсторите на јазикот и алхемичарите на мислата, преточувајќи ги во естетика и етика, истакна вечерва од Струга претседателката Гордана Сиљановска-Давкова прогласувајќи ги за отворени 65. Струшки вечери на поезијата.

Петрушевски: СДС одработува за интересите на Бугарија, мислејќи дека така ќе дојдат на власт! Се соочуваме со странско мешање во внатрешните работи на Македонија!

Бране Петрушевски, пратеник во Собранието од редовите на ВМРО-ДПМНЕ, вечерва гостуваше во емисијата „Само Вистина“ на Канал 5 телевизија, при што се осврна на односите на Република Македонија со источниот сосед Бугарија како и случувањата поврзани со јавно споделената дипломатска нота во која беа содржани информации за патувањето на членовите на најтесниот круг на семејството на премиерот Мицкоски, кое како што рече Петрушевски претставува невиден скандал во дипломатските односи и прекршување на истите.

Најава дека „тетовчани в петок ќе се кренат против одлуката на Уставниот суд за промената на имињата на улиците во Тетово“!

„Тетовчани ќе се кренат во петок! Плоштадот Илирија нема да стане ‘Маршал Тито’, колку и да сонува некој за такво нешто.“ – објави на својот фејсбук-профил Рами Мислими, новинар, политички аналитичар и сопственик на албанскиот информативен портал на албански јазик „Тетова сот“ од Тетово. Неговата објава под наслов „Имињата на улици во Тетово: тетовчани ќе се кренат в петок против Билал Касами“ ја пренесоа овој портал и други медиуми на албански јазик во Македонија.

Екстрадиран Саит Саитов кој во јануари избега во Србија откако прегази жена во Капиштец

Деветнаесетгодишниот Саит Саитов од Скопје, кој беше баран со меѓународна потерница распишана од МВР на 12 јануари, денеска е екстрадиран од Србија во нашата земја, информира Министерството за внатрешни работи. МВР објави дека на Саитов му е определена мерка притвор и дека е предаден во затворот „Скопје“ за понатамошна постапка

Сите вести од Македонија

Најнови вести

To top